UPIMAJI NA MATIBABU KWA MAGONJWA YASIYOAMBUKIZWA KATIKA UWANJA WA SM MAJENGO TAR 14/10/2020

13 October 2020

Mkurugenzi Mtendaji wa Halmashauri ya Wilaya ya Bagamoyo Bi. Fatuma O. Latu anawatangazia Wananchi wote wa Bagamoyo kuwa Idara ya Afya, Hospitali ya Wilaya ya Bagamoyo, Kitengo cha Magonjwa yasiyoambukiza cha Hospitali ya Wilaya ya Bagamoyo Wakishirikiana na Kitengo cha Magonjwa yasiyoambukiza cha  Hospital ya Rufaa ya Muhimbili na Kitengo cha Siko Seli cha  Chuo Kikuu cha Tiba ya Sayansi  Muhimbili (MUHAS) Wanatarajia  kushiriki kumbukizi ya kifo cha Baba wa Taifa na Rais wa kwanza wa Jamhuri ya Muungano wa Tanzania, Hayati Mwl. J.K. nyerere kwa kutoa Elimu ya Afya na Kupima Magonjwa yasiyoambukiza Katika Viwanja vya Shule ya Msingi Majengo, Siku ya Tarehe 14/10/2020, Kuanzia saa 3:00 asubuhi mpaka saa 11:00 Jioni.

Huduma zote zitatolewa BURE.Huduma zitakazotolewa ni pamoja na; Upimaji wa Shindikizo la damu, Kupima Kisukari, Kupima Siko Seli, Kupima Saratani ya Mlango wa Kizazi, Kupima Macho, Kupima Afya ya Kinywa na meno kwa watoto wa darasa la tatu na darasa la nne, Kupima hali ya Lishe (BMI) na Kujiunga na Uzazi wa Mpango Huduma zingine zitakazotolewa ni pamoja na; Kujiunga na BIMA ya Afya ya NHIF, Kujiunga na BIMA ya Afya iliyoboreshwa (iCHF), Uchangiaji wa damu  salama kwa ajili ya wajawazito, Watu wenye Siko Seli na Elimu kuhusu UKATILI wa kijinsiaKwa maelezo zaidi wasiliana nasi kwa simu Namba 0784315411 Rehema Kingu Mratibu wa Magonjwa yasiyoambukiza Wilaya ya Bagamoyo na Dr. Agnes Jonathan Daktari Bingwa Magonjwa ya Siko Seli kutoka Chuo Kikuu Cha Tiba na Sayansi Muhimbili (MUHAS) Namba. 0759431294