AFISA ELIMU MKOA WA PWANI AFUNGA MAFUNZO KWA MAAFISA ELIMU KATA NA WALIMU WAKUU MRADI WA SHULE BORA.

Posted on: February 14th, 2023

Afisa Elimu Mkoa wa Pwani Bi Sara Mlaki afunga mafunzo kwa Maafisa Elimu kata na Walimu Wakuu Mradi wa shule bora iliyofanyika katika ukumbi mkubwa wa mikutano Bagamoyo Sekondari iliyopo kata ya Dunda Wilayani Bagamoyo.

Akizungumza na Maafisa Elimu kata Pamoja na walimu Wakuu Bi Sara Mlaki Afisa Elimu Mkoa wa Pwani katika semina iliyofanyika tarehe 14/02/2023 amefunga semina maalumu ya kuwawezesha Walimu na Maafisa Elimu juu ya uboreshaji wa ufundishaji na ujifunzaji kwa wanafunzi kuanzia darasa la Awali hadi darasa la pili.

Afisa Elimu huyo pia amewashukuru Tamisemi,wawezeshaji,taasisi ya Elimu Tanzania Pamoja na wafadhili wa Mradi wa shule Bora Mkoani Pwani kwa kuendesha, na kugharamia Elimu ya Watoto katika Mkoa wa Pwani wote

‘’nawasihi nyie mliopata nafasi ya kuhudhulia mafunzo kuwa makini na kujituma katika kukabiliana na changamoto za uboreshaji wa ufundishaji kwa madarasa ya awali ‘’amesema Bi Mlaki Serikali inatoa fedha nyingi kwa ajili ya Elimu ya Watoto kupita Mradi Shule Bora hivyo ni wajibu kufanya kazi kwa bidii

Aidha pia Bi Mlaki amewaomba Maafisa hao Pamoja na Walimu kuwasimamia vizuri wanafunzi hao ili kuweza kuongeza ufaulu kwa Watoto hao na kufikia malengo huku tukiwa tumeondoa tatizo la kutokujua kusoma, kuhesabu na kuandika kwa Watoto wote Mkoa wa Pwani.

Mafunzo hayo yamefanyika kwa shule 40 toka Halmashauri zote za Mkoa wa Pwani ikiwa na jumla ya washiriki 173.

Shule bora  ni Programu ya Serikali ya Tanzania ya kuboresha elimu ya Awali na Msingi kwa ufadhili wa UKaid na Serikali ya Uingereza inayotekelezwa katika Mikoa Tisa ya Tanzania Bara.