Awamu ya Pili Ujenzi wa soko jipya Unakuja.

Posted on: July 5th, 2022

Waziri wa Mifugo na Uvuvi Mhe Mashimba Ndaki amesema kuwa Awamu ya Pili ya Umaliziaji wa Soko jipya na la kisasa Katika Halmashauri ya Bagamoyo itatatua changamoto Mbalimbali zinazowakabili Wafanya Biashara wa soko hilo la Samaki.

Hayo ameyasema wakati wa Makabidhiano ya Majengo ya ofisi za vikundi vya usimamizi wa Rasilimali za Uvuvi zilizojengwa na Mradi wa Swiofish Katika Halmashauri za Bagamoyo, Chalinze,Pangani,Mkinga na Lindi Vijijini.

Waziri Mashimba amebainisha hayo Kwa kuwatoa wasiwasi Wafanya biashara wa Samaki katika soko la Samaki Bagamoyo na kuwataka kuwa na Subira katika kuhakikisha awamu hiyo ya pili inamalizika na kutatua Changamoto zilizopo.

“Mhe Rais ametupatia pesa Kiasi Cha shilingi Bilioni Moja na Nusu na tukajenga soko ambalo ndio tunatua hivi sasa lakini Hiyo ni Awamu ya Kwanza kuna awamu ya Pili pia inakuja na itakapo kamilisha tutamaliza changamoto hizi”amesema Waziri Mashimba

Sanjari na hayo Waziri Mashimba Ndaki pia ameeleza mkakati ukiopo wa kuwawezesha Wavuvi Kwa ambao Kwa hivi sasa wanatumia zana duni katika shughuli zao za Uvuvi kuwa wavute Subira kwani zana Bora na boti za kisasa za kufanyia shughuli za Uvuvi zinatakuja.

“ndugu zangu Wana Bagamoyo tumemaliza hivi punde kupitisha bajeti ya Wizara na tumepata niongeza katika Wizara kwahiyo tunaboti za kisasa zinaitwa faiba boti tutanunua na hizi ni Kwa ajili ya wavuvi Kwa ukanda waliopo Pwani tu “amesema Mhe Mashimba.