BAGAMOYO WASHINDI WA KWANZA MKOA WA PWANI MAADHIMISHO YA NANENANE KANDA YA MASHARIKI

Posted on: August 9th, 2018

Halmashauri ya Wilaya ya Bagamoyo imefanikiwa kushika nafasi ya Kwanza kwa Mkoa wa Pwani, katika maadhimisho ya 25 ya maonesho ya wakulima, wavuvi na wafugaji, maarufu kama nane nane, yaliyoadhimishwa Mkoani Morogoro kuanzia tarehe 1 hadi 8 Agosti 2018.

Akifunga maonesho hayo, Waziri wa Mifugo Mhe. Luhaga Mpina amesema, lengo la maadhimisho hayo yaliyobebwa na kauli mbiu ya “Wekeza katika Kilimo, Mifugo na Uvuvi kwa maendeleo ya Viwanda” ni kuipa thamani Sekta ya Kilimo, mifugo na Uvuvi ambayo ndiyo msingi pekee kuelekea kutekeleza Sera ya Uchumi wa kati wa Viwanda.

Katika maadhimisho haya ya 25 ya Wakulima, wavuvi na Wafugaji Halmashauri ya Wilaya ya Bagamoyo ilifanikiwa kuchukua ushindi wa Kwanza kwa Mkoa wa Pwani, pia ushindi kwa Mkulima bora wa Mkoa wa Pwani ulienda Bagamoyo.

Maonesho ya nane nane kwa kanda ya mashariki yalijumuisha Mikoa ya Morogoro, Tanga, Dar Es Salaam na Pwani na yalifikia tamati hapo jana