BAGAMOYO YAPATA HATI SAFI.

Posted on: June 15th, 2022

Mkutano Maalumu wa Baraza la Madiwani Halmashauri ya Bagamoyo umeketi kupokea na kujadili taarifa ya Utekelezaji wa mapendekezo ya Mdhibiti na Mkakuguzi Mkuu wa Hesabu za serikali (CAG) kwa mwaka wa fedha 2020/2021.

Halmashauri ya Wilaya ya Bagamoyo kama ilivyo kwa Halmashauri nyingine hufanyiwa ukaguzi wa kila mwaka wa hesabu zake za mwisho wa mwaka na Mdhibiti na Mkakuguzi Mkuu wa Hesabu za serikali.

Hii ni kwa mujibu wa Katiba ya Jamhuri ya Muungano wa Tanzania ya mwaka 1997 (iliyorekebishwa 2005) ibara ya 143,pia Sheria ya Fedha ya Serikali za Mitaa Na.9 ya mwaka 1982( iliyorekebishwa 2000) kufungua Cha 45 na 48,pia Sheria ya Ukaguzi wa Umma Na.11 ya mwaka 2008 kifungu Cha 10(1).hivyo kwa kipindi Cha mwaka wa fedha 2020/2021, Mdhibiti na Mkakuguzi Mkuu wa Hesabu za serikali (CAG) alikagua taarifa ya hesabuza mwisho wa mwaka za Halmashauri ya Wilaya ya Bagamoyo na kutoa taarifa ya Ukaguzi huo.

Sanjari na Dosari Mbalimbali zilizobainiwa wakati wa Ukaguzi zilikuwa ni za kawaida na kutokuwa na Madhara makubwa hali iliyopelekea Halmashauri ya Wilaya ya Bagamoyo kufanikiwa kupata Hati inayoridhisha ya Ukaguzi wa Hesabu zake.

Halmashauri ya Wilaya ya Bagamoyo imeendelea kupata hati za Ukaguzi zinazoridhisha kwa vipindi vya Miaka 6 Mfululizo. Ikiwa ni mwaka wa Fedha (2020/21,2019/20,2018/19,2017/18,2016/17,2015/16.)