BARAZA LA WAFANYAKAZI LA PITISHA BAJETI

Posted on: January 25th, 2024

Na Hamisi Hamisi, Zuhura Kassimu.Bagamoyo Baraza la wafanyakazi la Halmashauri ya Wilaya ya Bagamoyo limepitisha bajeti ya Shilingi 38,978,074,127.00 kwa mwaka wa fedha 2024/2025 huku shilingi 6,482,058,127.00 ikitarajiwa kukusanywa katika mapato ya ndani ya Halmashauri na shilingi 32,496,016,000.00 ruzuku kutoka serikali kuu. Bajeti hiyo imepitishwa januari 25,2024 katika kikao maalum cha kamati tendaji ya Baraza la wafanyakazi ya Halmashauri ya Wilaya ya Bagamoyo kilichofanyika katika ukumbi wa mikutano wa halmashauri hiyo. Aidha, shilingi 6,486,058,127.00 kutoka mapato ya ndani kati ya fedha hizo mapato huru ni 3,417,946,627.00 na mapato fungiwa ni 3,068,111,500.00 na makadirio hayo ni ongezeko la shilingi 593,528,127.00 kutoka kiasi cha shilingi 5,892,530,000.04 kilichoidhinishwa kutumika mwaka wa fedha 2023-2025 sawa na ongezeko la asilimia 10% Katika bajeti hiyo vipaumbele vimewekwa kupitia fedha za mapato ya ndani ikiwa ni Pamoja na kuongeza ukusanyaji kwa kuanzisha vyanzo vipya, kuimarisha shughuli za usafi na utunzaji wa mazingira katika ngazi zote,kujenga uwezo wa jamii katika masuala ya jamii na kiuchumi kwa kutoa mikopo kwa wajasiliamali wadogo, wanawake ,vijana na walemavu,kuboresha ubora wa elimu kwa kujenga miundombinu katika shule za msingi na sekondari na kuboresha huduma za afya kwa kujenga miundombinu ya vituo vya kutolea huduma za afya Akizungumza katika Baraza hilo mmoja wa wajumbe ameiomba Halmashauri kuwa na utaratibu wa kupandisha madaraja kwa watumishi wa kada mbalilimbali Pamoja na kuwalipa stahiki zao kwa wakati. “Naiomba Halmashauri kupitia ongezeko la mapato ya ndani kuhakikisha wanawapandisha watumishi wa kada mbalimbali madaraja pamoja na kuwalipa stahiki zao ili kuongeza weledi katika utendaji kazi’’ Sambamba na hayo wajumbe wamemchagua Ndg .Faraja Mponele kuwa katibu mkuu wa Baraza la wafanyakazi la Halmashauri ya Wilaya ya Bagamoyo Pamoja na wajumbe Sita watakaounda kamati tendaji iliyopo chini ya Mkurugenzi Mtendaji Halmashauri ya Bagamoyo Mhe.Shauri Selenda