BI SARA MLAKI AFUGA KIKAO KAZI BAGAMOYO PWANI.

Posted on: February 25th, 2023

Afisa Elimu Mkoa wa Pwani Bi Sara Mlaki amefunga  kikao kazi kwa Maafisa Elimu Awali na Msingi kwa upande wa Halmashauri,Wadhibiti Ubora Pamoja, Maafisa elimu elimu maaluum, Maafisa mipango wa Halmashauri , Maafisa elimu vifaa na takwimu wa Halmashauri Mradi wa shule bora kilichofanyika katika ukumbi mkubwa wa mikutano Bagamoyo Sekondari iliyopo kata ya Dunda Wilayani Bagamoyo.

Akizungumza na Washiriki hao katika kikao kazi hicho Bi Sara Mlaki Afisa Elimu Mkoa wa Pwani kilichoketi kuanzia  tarehe 24-25/02/2023 amesema kuwa wamebaini kuwa zipo changamoto ambazo bado zinashuhulikiwa  hivyo wameweka mikakati ambayo itakwenda kutatua na kumaliza changamoto hizo .

‘’Tumeendelea kubaini kuwa zipo changamoto baadhi ambazo bado hazijafanyiwa utatuzi hivyo tumeweka mikakati ya utekelezaji wa hizo shuhuli ili kuweza kufikia asilimia mia moja ya utekelezaji na kupata fedha za lipa kulingana na matokezo’’amesema Bi Sara Mlaki

Afisa Elimu huyo pia amesema Suala la utoaji wa chakula kwa wanafunzi limetekelezwa kwa kiasi kikubwa hivyo wanatarajia shule zote za Msingi zinakwenda kuwapatia Watoto chakula mashuleni kutokana na mikakati ambayo wamejiwekea.

‘kutokana na hii mikakati ambayo tumejiwekea tunakwenda kuzugumza na jamii  kuwaelewesha wazazi kwamba suala la chakula ni la muhimu shuleni hivyo kufuatia taratibu ambazo ziwekwa waweze kuchangia utaratibu wa chakula shuleni’’amesema Afisa Elimu Mkoa.

Pia Bi Mlaki amezungumzia Suala la usalama kwa wanafunzi mashuleni ambapo  ameweka mikakati wao kama watendaji kuhakikisha Usalama wa wanafunzi unapatikana kwa kushirikiana na Jamii,viongozi kwa kuendelea kuhakikisha kuwa wanatoa taarifa kwa vitendo vyote ambavyo ni vya kikatili dhidi ya Watoto

Sanjari na hayo pia ameweka bayana swala la ushirikishwaji kwa wazazi katika masuala ya shule wamebaini kuwa bado muamko kwa wazazi uko chini hivyo wanakwenda kuongeza uhamasishaji ili kuwezesha Watoto wote wanazingatia maswala ya elimu 

‘’Sheria ndogo ndogo zitaendelea kutumika kwa wale wote ambao wanasababisha wanafunzi kutokuhudhulia shuleni na kwa wale wanafunzi watoro hatua stahiki zinaendelea kuchukuliwa ikiwemo kuwapa motisha na kufanya shule kuwa sehemu ya kivutio kwa wanafunzi hao’’amesema Bi Sara Mlaki

Lengo la ufaulu wa mitihani ya Darasa la saba kwa Mkoa wa Pwani tulio jiwekea ni Asilimia Zaidi ya 95 huku pia zipo baadhi ya Halmashauri ambazo zimefikia asilimia 93 hivyo tumejipanga kuhakikisha tunavuka hadi lengo la Kitaifa la asilimia 85 ya ufaulu kutokana na mikakati ambayo tumejiwekea kama Mkoa wa Pwani.

Shule bora  ni Programu ya Serikali ya Tanzania ya kuboresha elimu ya Awali na Msingi kwa ufadhili wa UKaid na Serikali ya Uingereza inayotekelezwa katika Mikoa Tisa ya Tanzania Bara.