DC BAGAMOYO AFUNGA MAFUNZO YA JESHI LA AKIBA KUNDI NAMBA 24/24...

Posted on: October 31st, 2024

DC BAGAMOYO AFUNGA MAFUNZO YA JESHI LA AKIBA KUNDI NAMBA 24/24.

Mkuu wa Wilaya ya Bagamoyo Mhe Shaibu Ndemanga amefunga rasmi mafunzo ya jeshi la Akiba kundi namba 24/24 katika Viwanja vya Mwanakalenge Wilayani Bagamoyo leo tarehe 31 Octoba 2024.

 Mhe Shaibu Ndemanga amewaeleza wananchi pamoja na wanafunzi hao kuwa mafunzo hayo yapo kwa mujibu wa sheria na ni utekelezaji wa sheria namba 14 ya mwaka 1966 ya ulinzi wa Taifa la Tanzania .

“Naomba niendelee kuwakumbusha kuwa mmepitia mafunzo yalioko kwa mujibu wa sheria ya nchi yetu ni vema Watanzania kujua mafunzo haya yapo kwa mujibu wa sheria”amesema Ndemanga.

Pia Mhe Ndemanga ametoa pongezi kwa wakufunzi pamoja na wanafunzi hao kwa kupata mafunzo na kuonesha kweli kuwa wameiva katika mafunzo hayo.

Sambamba na hayo Mkuu wa Wilaya amewataka askari hao wa jeshi la Akiba kwenda kushirikiana vizuri na viongozi wa vijiji,viongozi wa Kata pamoja na kushirikiana na wananchi kwa ujumla kwa kuimarisha Amani na ulinzi katika jamii zetu.

Pia ametoa wito kwa wanafunzi hao kutumia mafunzo hayo katika kuimarisha ulinzi na Amani katika jamiii na kutotumia mafunzo hayo kuumiza wananchi mitaani.

Akitoa taarifa fupi ya Mafunzo hayo Ndg.Rahimu Tumbi Mshauri wa Jeshi la Akiba Bagamoyo wakati wa Kufungwa kwa mafunzo hayo huku mgeni rasmi akiwa Mkuu wa Wilaya ya Bagamoyo Mhe Shaibu Ndemanga.

Amesema kuwa Mafunzo hayo yalianza tarehe 1 Julai 2024  yakiwa na jumla ya wanafunzi 90 hadi kufikia tarehe 31 Oktoba 2025 jumla ya wanafunzi 81 ndio waliofanikiwa kumaliza mafunzo huku wanaume wakiwa 58 na wanawake 23.

Pia ameongeza kwa kusema kuwa wanafunzi 9 walishindwa kumaliza mafunzo kutokana na sababu mbalimbali na wanafunzi hao wote wakiwa ni wakiume pekeee.