DC-BAGAMOYO ATETA NA ASKARI WA JESHI LA POLISI BAGAMOYO...

Posted on: January 7th, 2025

Mkuu wa Wilaya ya Bagamoyo Mhe Shaibu Ndemanga leo tarehe 7 January amezungumza na Askari wa jeshi la polisi Bagamoyo na kujadiliana Mambo Mbalimbali.

Akizungumza na Maafisa hao wa jeshi la polisi Mhe Ndemanga amesema ni jambo zuri kuwa na utaratibu wa kukaa na kuzungumza na kushauriana Mambo tofauti tofauti.

Mhe Ndemanga ameongeza kwa kusema kuwa lengo la kukaa na kushauriana vitu tofauti ni kuendelea kujifunza mambo mapya lakini pia kuendelea kuweka mikakati imara ya kuimarisha ulinzi na usalama wa raia na mali zao

Vilevile Mhe Mkuu wa Wilaya amehitaji ushirikiano Mkubwa kuendelea kuwepo baina ya askari kwa askari katika kazi  na kuendelea kusaidiana pale kwenye changamoto ili kuendelea kuwa katika hali nzuri ya usalama .

Sambamba na hayo Mhe Ndemanga amewataka Askari hao wa jeshi la polisi kuendelea kutoa elimu kwa raia zaidi ili wapate uelewa wa vitu mbalimbali na kuacha kufanya matumizi ya nguvu zaidi.

Kwa upande wa polisi kata Mhe Ndemanga amewataka wakatoe elimu kwa wazazi na walezi wote kupeleka watoto shule mara baada ya shule kufunguliwa pamoja na kukemea maswala ya ukatili wa kijinsia kwa jamii kuacha matendo hayo.

Mbali na yote Mhe Mkuu wa Wilaya amewataka pia kujikita kwenye kutatua migogoro ya wananchi hasa ya wafugaji na kutokuwa sehemu ya migogoro hiyo na kuangalia sura ya hiyo migogoro na namna ilivyo na kuitatua.

Aidha ametoa pongezi kwa askari wa Usalama barabarani kwa kazi kubwa walioifanya kipindi cha sikukuu za Chrismass na Mwaka mpya na juhudi kubwa wanazoendelea kuzifanya mpaka hivi sasa.