DC NDEMANGA AHIMIZA SWALA LA UPANDAJI WA MITI...

Posted on: November 16th, 2024

DC NDEMANGA AHIMIZA SWALA LA UPANDAJI WA MITI

Mkuu wa Wilaya ya Bagamoyo Mhe Shaibu Ndemanga amehimiza wananchi leo tarehe 16 November 2024 wakati akishiriki zaoezi la upandaji wa miti shule ya Msingi Kigongoni kuwa na utaratibu wa kupanda miti ili kukabiliana na mabadiliko ya tabia nchi.

Mhe Mkuu wa Wilaya amesema kuwa swala zima la upandaji wa miti ni jukumu la kimamoja nani jambo ambalo linaleta manufaa hapo baadae kwani kupanda miti kunafaida nyingi katika mazingira huku pia akizitaka taasisi zote ziwe mfano katika swala zima la upandaji wa miti.

Vilevile  Mhe Mkuu wa Wilaya amesema kampeni ya upandaji wa miti ni kampeni endelevu kwani hata Mhe Rais wa Jamhuri ya Muungano wa Tanzania hushiriki mazoezi ya upandaji wa miti na kuhimiza wananchi kupanda miti katika maeneno yao.

Sambamba na yote Mhe Ndemanga ametoa wito kwa wananchi kutumia mvua za vuli ambazo zimeanza  kunyesha na kuhakikisha wanapanda miti kwa wingi huku akiwaomba viongozi wa ngazi za vijiji,Vitongoji na Watendaji kata kusimamia zoezi hilo  la upandaji wa miti kwa wananchi.  

Mwakilishi wa Benk ya Starndard Charter ambae ni kiongozi wa Idara ya Teknologia ndg Christopher  amesema kuwa wanazaidi ya miaka 13 katika kampeni ya kujali mazingira kwa kupanda miti kwa mkoa wa Pwani na Dar es Salaam   kwa upande wa Wilaya ya Bagamoyo ikiwa ni mwaka wao wa tatu wakiwa wamefanya hivyo katika shule 5

Ameendelea kwa kusema kuwa sababu kubwa ya kuendelea na kampeni hiyo ni kwa kujua umuhimu wa mazingira kwa sasa na vizazi vinavyokuja baadae huku akisema kuwa ni wajibu wao kama benki kushirikiana na jamii kuhakikisha kuwa dunia inakuwa ni mahali salama huku akitoa wito kwa kuendela kutunza miti hiyo kwa  faida ya baadae.

Nae Mkurugenzi Mtendaji Halmashauri ya Wilaya ya Bagamoyo Shauri Selenda ametoa shukrani kwa wadau wa Benk ya Starndard Charter kwa kuwapatia miti 2000 na kwakushirikiana na Taasisi ya Tatedo nao wamewapatia miti 2000  na kufikia miti 4000 ambayo imepandwa katika eneo hilo la shule ya Msingi Kigongoni 

Mkurugenzi ametoa Rai kwa walimu,wananfunzi na wananchi kwa ujumla kuwa miti hiyo 4000 inatunzwa na kuhakikisha inakuwa na kuleta manufaa  ili ije isaidie baadae kutoa matunda na vivuli  kwa wanafunzi na wananchi kwa ujumla.