DC NDEMANGA AZINDUA KAMPENI YA BAGAMOYO YA USAFI BAGAMOYO-SMART AREAS...

Posted on: October 26th, 2024

Mkuu wa Wilaya ya Bagamoyo Mhe Shaibu Ndemanga ametoa wito kwa kwa wananchi kuendelea na zoezi la usafi kila mwisho wa mwezi ili kuweka mji safi wa Halmashauri ya Bagamoyo.

Akitoa Rai hiyo  mbele ya Wananchi waliojitokeza wakati wa zoezi la Usafi lililofanyika hii leo tarehe 26 Oktoba 2024 Mhe Ndemanga ametangaza rasmi Kuwa Bagamoyo ni Smart Areas na kuhakikisha maeneo yote yanakuwa safi muda wote.

Pia Mhe Ndemanga amesisitiza kuwa swala la usafi linakuwa ni swala endelevu na nila kila siku mwananchi unatakiwa kufanya usafi kwani Mji wa Bagamoyo ni wa kitalii hivyo ni muhimu kuwa safi Muda wote na kuwahakikishia wananchi kuwa watakuwa wanafanya ukaguzi kila baada ya muda katika Mazingira yao.

Vilevile Mhe Ndemanga amesema wananchi wakiongeza hali ya usafi Bagamoyo pia uchumi utaongezeka mara dufu hasa katika maeneo yao ya biashara.

Sambamba na hayo amezitaka taasisi zote zilizo katikati ya mji kuweka maeneo yao katika Hali ya usafi pamoja na kupanda miti na maua ili kupendezesha maeneo hayo na mji kiujumla .

Nae Mkurugenzi Mtendaji Halmashauri ya Wilaya ya Bagamoyo amewaomba wananchi hao kuendelea kutunza mazingira katika maeneo yote ya Bagamoyo .

Huku pia akisisitiza kuwa hawatasita kuwachukulia hatua wananchi wote ambao wanakuwa wanaharibu mazingira kwa kutumia sheria ndogo ambazo zimeelekeza kutoza faini kwa atakae bainika kuharibu mazingira.

Vilevile Ndg.Selenda amesema kuwa wataendelea kutoa elimu kwa wananchi wote juu ya kuyatunza mazingira  na kuhakikisha kwa wale ambao wanakaidi wanachukuliwa hatua.

Mwisho Kwa pamoja Mhe Mkuu wa Wilaya pamoja na Msimamizi wa Uchaguzi Halmashauri ya Wilaya ya Bagamoyo wameendelea kuwasisitiza wananchi kujitokeza kupiga kura kwenye uchaguzi wa Serikali za Mitaa utakaofanyika tarehe 27 Novemba 2024.
#serikalizamitaasautiyawananchijitokezekushirikiuchaguzi
#shirikiuchaguziwaserikalizamitaa2024