DED AKUTANA KA WATUMISHI HALMASHAURI YA BAGAMOYO.....

Posted on: January 29th, 2025

Mkurugenzi Mtendaji Halmashauri ya Wilaya ya Bagamoyo Bwn.Shauri Selenda amekutana na watumishi wote wa Halmashauri kuzungumza nao maswala mbalimbali katika Kazi.

Katika kikao hicho watumishi walipata nafasi ya kusomewa mapato na matumizi ya Halmashauri pamoja na kujua miradi ya maendeleo  inayoendelea katika Halmashauri hiyo.

Vilevile Katika kikao hicho watumishi wamesisitizwa kuzingatia nidhamu za kazi na kufuata sheria,kanuni na taratibu za kazi pindi wanapo toa huduma kwa wananchi .

Sambamba na hayo pia Mkurugenzi Mtendaji amesema mpango wa kuendelea kuboresha maeneo ya kazi bado unaendelea ikiwemo kununua vyombo vya usafiri (pikipiki)ili kurahisishwa kwa baadhi ya majukumu ya kazi.

Aidha Bwn.Shauri amesema kuwa tayari Halmashauri imekwisha nunua pikipiki kwa ajili ya kuwakabidhi Maafisa watendaji wa Vijiji pamoja na kununua bajaji 2 kwaajili ya watumishi  wenye uhitaji maalumu kutoka idara ya Ardhi pamoja na Kilimo

Kadhalika pia Mkurugenzi amesema ya kuwa wataendelea kuhakikisha  wanaibua  vyanzo vipya vya mapato ili Halmashauri izidi kuongeza makusanyo ya Ndani ya Halmashauri.