DED BAGAMOYO AFUNGUA MAFUNZO YA MRADI BAHARI MAISHA...

Posted on: September 23rd, 2024

Mkurugenzi Mtendaji Halmashauri ya Wilaya ya Bagamoyo Shauri Selenda afungua mafunzo ya Mradi Bahari Maisha kwa wakulima wa mazao ya baharini yaliyofanyika tarehe 23 September 2024 katika ukumbi wa Halmashauri ya Wilaya.

Mkurugenzi amesema wakati akifungua mafunzo hayo kuwa ni muhimu kuwekeza katika vitu ambavyo vinafanya wananchi wanaweza kuendelea zaidi katika kuingiza kipato na kutoa shukrani kwa wadau hao wa mradi wa Maisha ni Bahari.

Pia Ndg Selenda ameendelea kwa kusema kuwa kiu yake ni kuona Bagamoyo inazarisha kwa wingi zao la mwani huku akisisitza uzalishaji huo unakuwa ni ajira kwa vijana wa Bagamoyo huku pia akizungumzia swala zima la vitendea kazi.

Sambamba na hayo Mkurugenzi amesema kuwa yupo tayari kuhakikisha anawapa ushirikiano vikundi hivyo na kuhakikisha wanapata mafunzo kila baada ya muda ili wazidi kuongeza ujuzi katika shughuli yao wanayoifanya.

Sanjari na yote Selenda amewaomba washiriki hao kuendelea kuweka bidii katika kulima zao hilo la mwani kwani hitaji lake ni kuona zao hilo la mwani linaweka historia na kuwa zao pendwa zaidi na linaongoza kwa kuzalishwa kutoka Bagamoyo  huku akiweka bayana kuwa kupitia zao hilo anaona linakwenda kutengeneza ajira kwa vajiana pia.

Nae Dkt.Bonamax Mbasa Mratibu wa Mradi Bahari Maisha ambae pia ni Mhadhili mwandamizi chuo cha mipango maendeleo vijijini amesema kuwa washiriki hao watajifunza nadhalia na vitendo huku pia akisema watakwenda kuwafundisha namna ya kutengeneza bidhaa mbalimbali kupitia zao la mwani.

Mafunzo ya Mradi Bahari Maisha yameanza hii leo na yanatarajiwa kumalizika tarehe 29 September 2024  na ambapo mradi huo ni suluhu ya changamoyo za wakulima wa mazao ya baharini unotekelezwa na chuo cha mipango ya maendeleo vijijini kwa ufadhili wa shirika la maendeleo la umoja wa mataifa {UNDP}

Mradi huo unatarajia kuwa ndio suluhu ya changamoto za wakulima wa mazao ya baharini ya mwani,ufugaji wa jongoo Bahari na kaa katika maeneo ya Tanga,Unguja,Pemba na Bagamoyo .