DED BAGAMOYO ASHIRIKI KATIKA ZOEZI LA USAFI...

Posted on: September 28th, 2024

Mkurugenzi Halmashauri ya Wilaya ya Bagamoyo Shauri Selenda leo tarehe 28 septemba 2024 ameshiriki zoezi la usafi unaofanyika kila mwisho wa mwezi na kujumuisha makundi mbalimbali.

Mkurugenzi ameshiriki pamoja na Wadau mbalimbali ikiwemo pamoja na Askari wa Jeshi la Polisi,Tfs,askari wa Jeshi la Akiba (Mgambo)vikundi vya Jogging,Watumishi wa Halmshauri ya Bagamoyo,pamoja na baadhi ya wananchi waliojitokeza katika zoezi hilo.

Akizungumza mara baada ya kukamilika kwa zoezi hilo Mkurugenzi Mtendaji Shauri Selenda ametoa shukrani kwa wale wote waliojitokeza katika kujumuika pamoja kushiriki usafi huo wa kila mwisho wa mwezi.

Pia ameendelea kuwasisitiza wananchi wote kuwa na utaratibu wa kufanya usafi ili kujiepusha na magojwa mbalimbali ya Mlipuko pamoja na kuweka mazingira katika hali ya usafi muda wote.

Mbali na hayo Selenda amewaasa wananchi kujitokeza katika kujiandikisha kwenye uchaguzi wa Serikali za Mitaa huku pia akitoa rai kuwa wananchi wote pia kushiriki katika uchaguzi huo wa Serikali za mitaa kwa mwaka 2024 unao taraji kufanyika mwezi Novemba tarehe 27 ,2024.