DED BAGAMOYO ATETA NA WATUMISHI IDARA YA AFYA HALMASHAURI YA BAGAMOYO....

Posted on: July 9th, 2025

DED BAGAMOYO ATETA NA WATUMISHI IDARA YA AFYA HALMASHAURI YA BAGAMOYO.

Mkurugenzi Mtendaji Halmashauri ya Wilaya ya Bagamoyo Bw Shauri Selenda  leo tarehe 9 Julai 2025 amefanya kikao na Watumishi wa Idara ya Afya kwa lengo la kujadili maswala ya Utumishi pamoja utendaji kazi katika Sehemu zao za Kazi.

Katika Kikao hicho Mkurugenzi Mtendaji alitumia fursa hiyo kuwaalika Maafisa kutoka Taasisi ya Kupambana na kuzuia Rushwa ambapo walitoa Elimu ya madhara ya kupokea Rushwa kwa wananchi.

Pia Vilevile wameelekeza namna bora ya utoaji wa huduma kwa Wananchi wanakwenda kupata huduma katika vituo vyao vya kufanyia kazi pamoja na kutoa wito kwa watumishi hao kuhakikisha wanakuwa na Nidhamu ya kazi muda wote.

Mbali na hayo Mkurugenzi Mtendaji Halmashauri ya Wilaya ya Bagamoyo ametoa pongezi kwa Watumishi hao kwa kuendelea kutoa huduma bora kwa wananchi.

Aidha Mkurugenzi Bw Shauri Selenda amewataka Watumishi hao kuzidisha nidhamu kazini pamoja na kuhakikisha wanatumia lugha nzuri pindi wanapotoa huduma kwa wananchi.

Aidha Mkurugenzi amewaeleza Watumishi hao kuwa Serikali imejipanga kuhakikisha inaendelea kuboresha stahiki zao hasa kwa upande wa fedha za likizo pamoja na kuendelea kulipa madeni kwa wale watumishi ambao wanadai fedha zao.

Sanjari na hayo pia Mkurugenzi Mtendaji amesema kuwa Halmashauri itaendelea kuboresha miundombinu ya majengo kwa kufanya ukarabati pamoja na kuweka mazingira rafiki ambayo yanawezesha utendaji kazi.

Mkurugenzi Mtendaji Halmashauri ya Wilaya ya Bagamoyo Bw Shauri Selenda anaendeleza  utaratibu wa kuzungumza na watumishi wote wa Umma katika Halmashauri hiyo lengo likiwa ni kufahamu mambo yanayowasibu watumishi hao na kutafutia ufumbuzi.

@ikulu_mawasiliano

@ortamisemi

@ofisi_ya_rais_utumishi

@ofisi_ya_mkuu_wa_mkoa_wa_pwani

@gersonmsigwa

@harvesttimeradiotz