FANYENI UHAKIKI WA MAENEO NA MASHAMBA:KATIBU MKUU ARDHI.

Posted on: March 2nd, 2021

Katibu Mkuu Wizara ya Ardhi,Nyumba  na Maendeleo ya Makazi  Bibi Mary G.Makondo amewaagia wataalamu wote wa Ardhi Wilayani Bagamoyo  kufanya uhakiki wa mashamba,na maeneo yote na hatua zilizochukuliwa mapendekezo kuhusiana na maeneo makubwa ambayo hayajaendelezwa wala kulipiwa kodi .

Hayo yamesemwa leo marchi 2,2021 Wilayani Bagamoyo  na Katibu Mkuu wa Wizara ya Ardhi Bi Mary Makondo  kuwa Ardhi ndio msingi wa shughuri zote za kiuchumi na kijamii ni rasilimali ya muhimu sana na kipekee hivyo wataalamu wanatakiwa kufanya tathmini ili kujua ukubwa wa ardhi iliyopo na kuhifadhi kumbukumbu na taarifa zote zioneshe maeneo yaliyo kuwa wzi na ambayo yanatakiwa kufanyiwa uwekezaji

‘’ardhi ni rasilimali muhimu sana kwa Halmashauri,Wananchi hivyo ni muhimu nyie kama wataalmau muwe na taarifa ambazo zinaonyesha ukubwa wa eneo mlionalo na kufanya tathmini ambayo itawasaidia kutambua maeneo yote ambayo yapo wazi nayale ya kufanyiwa uwekezaji’’ alisema Bi Mary Makondo.

 Bi Mary Makondo  pia ameongeza kuwa ni lazima zipatikane taarifa za maeneo yote ambayo hayajaendelezwa nayale ambayo hayajalipiwa kodi na wamiliki wa hayo maeneo wote waorodheshwa kwenye taarifa hiyo pamoja na hatua ambazo zimechukuliwa dhidi yao na mikakati ipi ambayo imeshawekwa ili kuhakikisha maeneo ambayo hayajaendelezwa yanafanyiwa kazi.

Aidha Katibu Mkuu huyo amesema kuwa, kuhusu swala la viwanja vya ukuni atatuma watu ili kufanya uchunguzi na kuweza kutambua wamiliki wa viwanja hivyo ambavyo kwa hivi sasa vipo japokuwa wenyewe hawajulikani walipo

‘’Upo mfumo ambao tunautengeneza ambao utatumika pia kukusanya nyaraka zote hivyo wataalamu watakuja na kifaa kuna majira ya nukta ambayo hayadanganyi na wote wenye viwanja hivyo watapatikana’’ alisisitiza.

 Mwisho Katibu Mkuu huyo, amemtaka mkurungenzi kusaidia kudhibiti migogoro ambayo mingine imesababishwa na wataalamu na ile ya kugawa maeneo mara mbili nyaraka zote  ziwe tete pamoja na Mkuu wa Tehama afanye mawasiliano na Mkurugenzi wa mifumo ili kupata kifaa (saver) cha kuhifadhi nyaraka za mipango miji,upimaji pamoja na majarada yote

Pia alimshauri Mkurugenzi Mtendaji wa Haamashauri ya Bagamoyo kushirikiana na Kamishina wa mkoa  kufanyakazi kwa ushirikiano ili kupunguza migogoro ya aradhi iliyokisiri katika Wilaya ya Bagamoyo.