HAFLA YA KUPOKEA VIHIFADHIA TAKA KUTOKA KAMPUNI YA FISHER RECORDS..

Posted on: April 15th, 2023

Kaimu Mkurugenzi Mtendaji wa Halmashauri ya Wilaya ya Bagamoyo Ndg Majid Selemani Mhina kwa niaba ya Mkuu wa Wilaya ya Bagamoyo mapema leo amepokea vifaa vya kuhifadhia taka kutoka kwa kampuni ya Fisher Record hafla iliyofanyika katika soko kubwa la Samaki.

Akizungumza kwa niaba ya Mkuu wa Wilaya ya Bagamoyo. amesema kuwa anatoa pongezi kwa Kampuni ya Fisher Records kwa kuichagua Halmashauri ya Wilaya ya Bagmoyo na kuwapatia Vihifadhia Taka hivyo ambapo vitatumika kuhifadhia taka ndani ya soko la Samaki Pamoja na kwenye barabara.

Pia vilevile Kaimu Mkurugenzi ameendelea kwa kusema kuwa kupatikana kwa vifaa vya kuhifadhia taka vitasaidia kuweka mji katika hali ya usafi na kila moja kuwa balozi wa kulinda na kutunza mazingira kwa kutupa taka katika vihifadhia taka hivyo na kuacha kutupa taka ovyo.

‘’ndugu wananchi kupatikana kwa vifaa hivi vitasaidia kuboresha hali ya ukusanyaji wa taka katika mikusanyiko ya watu wengi na wenye shughuli mbalimbali Pamoja na sehemu zinazo toa huduma kama vile stand za mabasi Pamoja na masoko’’Amesema Ndg.Majid Mhina

Diwani wa kata ya Dunda Mhe Amiry Mpwimbwi ametoa shukrani kwa Kampuni ya  Fisher Record kwa kusaidia kupatikana kwa vifaa hivyo vya kuhifadhia taka Pamoja na kuchagua kuanza na Kata yaDunda  kwa kuweka vifaa hivyo.

Pia amesema kuwa Kata ya Dunda tayari wameweka mpango maalumu wa kukusanya taka na kuhakikisha wanafikisha sehemu husika ya kutupia taka hizo huku pia akisema wameunda kikosi maalumu cha polisi jamii ambacho kitasaidia kulinda watu wenye tabia ya kutupa taka ovyo bila kufuata utaratibu uliowekwa.

‘’tumeunda kikosi cha polisi jamii ambacho bado hakijaanza kufanya kazi yake lengo la kikosi hicho nikuhakikisha wanalinda na kutazama mtu yoyote nae tupa taka hovyo waweze kumdhibiti ili hatua za kisheria ziweze kuchukuliwa dhidi yao’’ amesema Diwani

Sanjari na hayo pia amesema kupatikana kwa vifaa hivyo sasa tukwenda kuweka mazigira wezeshi kwa wananchi kuweza kupata njia rahisi ya kutupa taka kwa kutumia vifaa hivyo na kuepuka kutupa taka ovyo ili kuweza kujiepusha na makosa ya utupaji wa taka ovyo.

Nae Mwenyekiti wa Kamati ya Uchumi,ujenzi na Mazingira Mhe Ally Ally Issa ameshukuru na kupongeza kwa wadau wa fisher records kwa mchango mkubwa walio utoa kwa Halmashauri ya Wilaya ya Bagamoyo na kusema wataendelea kuwatangaza vizuri kwa Msaada Mkubwa walio utoa wa vihifadhia taka hivyo..

Kwa upande wake CPA Eliudi ambae ni Mkurugenzi Msaidizi wa Fisher Record amesema wao wamefurahi kufika Halmashauri ya Bagamoyo na kupongeza kwa mapokezi mazuri waliyo yapata na kusema kuwa wataendelea kutoa na kuunga Mkono  juhudi za serikali ‘’leo hapa tumetoa vihifadhia taka hivi 10 lakini tunaadhidi kuwa tunakwenda kuleta vihifadhia taka vingine ambavyo tunaviweka kila baada ya mita 100 katika maeneo ya barabara zetu hapa’’amesema ndg Eliudi.