HONGERENI SANA HALMASHAURI YA BAGAMOYO....

Posted on: November 7th, 2024

HONGERENI SANA HALMASHAURI YA BAGAMOYO.

Mkuu wa Wilaya ya Bagamoyo Mhe Shaibu Ndemanga ametoa pongezi kwa Halmashauri ya Bagamoyo kwa kazi kubwa wanayoifanya katika usimamizi na uendeshaji wa Halmashauri kiujumla.

Pongezi hizo amezitoa wakati wa Kikao cha baraza la Madiwani kilichoketi katika kumbi ya Mikutano wa Halmashauri hiyo tarehe 7 Novemba 2024 na kubudhuliwa na Viongozi mbalimbali.

Mhe Mkuu wa Wilaya amesema kuwa kuna kila haja ya kutoa pongezi kwa Waheshimiwa Madiwani,Mkurugenzi,wakuu wa idara na vitengo pamoja na watumishi wote kwa ujumla kwa mamna wanavyoendelea kufanya vizuri katika nyanja mbalimbali ikiwemo ukusanyaji wa mapato.

Vilevile Mhe Ndemanga aweomba kuendelea kupewa ushirikiano wa kutosha kutoka kwa watu wote huku akisisitiza swala zima la ukusanyaji wa mapato ya Halmashauri kwani ndio maelekezo ya Mhe Rais wa Jamhuri ya Muungano wa Tanzania

Ndemanga amewaasa watumishi kuwa suala la ukusanyaji wa mapato ni jukumu la kila moja na sio suala la watu wachache au kundi dogo kutoka Halmashauri ama idara fulani.

“Niwaombe waheshimiwa Madiwani na watumishi wote tusimamie suala la ukusanyaji wa Mapato na Halmashauri hii tunaweza kufika Bilioni 10”alisema Mhe Mkuu wa Wilaya.

Nae Mhe Mwenyekiti wa Halmashauri ya Bagamoyo Mohamed Usinga amemshukuru Mhe Mkuu wa Wilaya na kusema kuwa watayafata maelekezo yote ambayo ameyaelekeza kupitia kikao hicho cha Baraza kwa maslahi mapana ya Bagamoyo na Taifa kwa ujumla.

Pia Mhe Usinga amesema wataendelea kuwa na uangalifu Mkubwa katika usimamizi wa Miradi ya maendeleo,usimamizi wa Mapato pamoja na kuwa makini katika Matumizi na kuboresha huduma mbalimbali kwa Wananchi.