HONGERENI SANA TIMU YA UMISSETA BAGAMOYO ....

Posted on: November 15th, 2024

HONGERENI SANA TIMU YA UMISSETA BAGAMOYO

Mkurugenzi Mtendaji Halmashauri ya Wilaya ya Bagamoyo Shauri Selenda ametoa pongezi kwa Timu ya Umisseta Wilaya ya Bagamoyo kwa kufanya vizuri katika mashindano mbalimbali walioshiriki kimkoa Wilayani Kibaha mkoani Pwani.

Mkurugenzi ametoa pongezi hizo wakati wa hafla maalumu iliyofanyika katika ukumbi wa Mikutano Halmashauri ya Bagamoyo tarehe 15 November 2024 wakati wa viongozi wa timu Pamoja na wachezaji walipokuwa wakimkabidhi Makombe waliyo yapata katika mashindano hayo.

Ndg Shauri pia amesisitiza kwa vijana hao kuendelea kuzingatia masomo yao huku wakijibidisha kufanya mazoezi Pamoja na kusoma kwa bidii ili kuweza kufanya vizuri katika masomo na vipaji vyao 

Vilevile Mkurugenzi Mtendaji amewaeleza walimu Pamoja na wanafunzi hao kuwa mpango wa Halmashauri ni kuhakikisha pia wanajenga uwanja wa kisasa ili kuendelea kukuza vipaji na kulea vipaji vilovyokuwepo ndani ya Halmashauri hiyo.

Timu ya Umiseta Halmashauri ya Wilaya ya Bagamoyo imefanikiwa kuchukua ubigwa katika michezo 6 medali 2 na kombe la mshindi wa jumla la mashindano ya Umiseta kwa mkoa wa Pwani na kuwa timu ya kwanza Kimkoa huku ikiwa imeshiriki michezo ya ngoma,kwaya,mpira wa kikapu kwa wavulana na wasichana,mpira wa mkono,soka wavulana, Pamoja na mpira wa meza.