HONGERENI SANA VIONGOZI WA WILAYA YA BAGAMOYO.

Posted on: September 21st, 2021

Mkuu wa Mkoa wa Pwani Mhe. Abubakari Kunenge amepongeza juhudi kubwa zilizofanywa na viongozi wa Wilaya ya Bagamoyo pamoja na wananchi kwa ujumla kwa kazi kubwa walioifanya katika kusimamia miradi ya kimaendeleo yenye tija katika jamii ya Wanabagamoyo.

Hayo ameyazungumza hii leo tarehe 21 Sept,2021 wakati alipofanya ziara yake ya kikazi katika Wilaya ya Bagamoyo na kutembelea miradi mbalimbali ya kimaendeleo ikiwemo ujenzi wa zahanati ya kimarang'ommbe,ujenzi wa vyumba vya madarasa shule ya msingi kigongoni,Maabara ya shule ya sekondari Hassanal Damji pamoja na kuweka jiwe la Msingi katika ujenzi wa Mradi wa kimkakati wa soko la Samaki.

Mhe Abubakari Kunenge amepongeza wasimamizi wote walio simamia ujenzi wa vyumba vya madarasa katika shule ya msingi kigongoni na kusema kuwa wamekuwa ni wasimamizi imara kwani wametekeleza jukumu lao la usimamizi vizuri''niwaapongeze wasimamizi wa huu mradi kwani zilikuja pesa za vyumba vinne vya madarsa lakini wameweza kujenga vyumba vitano hivyo niwapongze sana'' amesema Mkuu wa Mkoa.

Pia Mhe Mkuu wa Mkoa amesema kwa changamoto zilizokuwepo amezichukua na atazifanyia kazi na kuweza kuzitatua taratibu huku akiwataka kuwa wavumilivu kwani bado shule ndio kwanza inaanza na kusema watahakikisha miundombinu yote ya umuhimu ni lazima iwepo katika kuweza kusaidia.

sanjari na hayo mkuu wa mkoa ametembelea maabara iliopo shule ya sekondari Hassal Damji na kutoa maelekezo kuhakikisha maabara hizo zinaanza kufanya kazi na kusema changamoto zilizopo zisiwe sababu ya kutotumika kwa maabara hizo

Pia Mhe Abubakari kunenge ametembelea mradi wa kimkakati wa soko la samaki na kuweka jiwe la msingi katika mradi huo kuku akiagiza kuwa ifikapo tarehe 19 Okt,2021 mradi huo uwe tayari umekamilika ili kuweza kuanza kufanya kazi na wananchi waweze kunufaika na mradi huo wa soko la Samaki.

Mkuu wa Mkoa wa Pwani Mhe Abubakari Kunenge ameanza kufanya ziara katika Mkoa  Pwani  ambapo atatembelea Wilaya zote za Mkoa wa Pwani huku lengo likiwa ni kukagua miradi yote ya kimaendeleo na kuweka mawe na msingi pamoja na kuzungumza na wananchi katika kila Kata.