HONGERENI WALIMU KWA SEMINA

Posted on: April 8th, 2021

Katibu Mtendaji wa Baraza la Mitihani Tanzania Dkt. Charles E. Msonde  ametoa pongezi kwa walimu wote walio shiriki semina ya kujenga uwezo kwa walimu wa shule zote za sekondari zilizopo  Halmashauri ya Wilaya ya Bagamoyo  yaliyofanyika  Bagamoyo Sekondari kwa muda wa siku tatu

Pongezi hizo amezitoa wakati wa kufunga semina hiyo tarehe 8 aprili 2021 na kuwapongeza walimu hao huku pia akipongeza serikali ya awamu ya tano kwa juhudi kubwa walizo zifanya kwa kwa kuboresha mifumo ya elimu kwa kuweka mifumo ya  za kisasa  ya kieletroniki inayoboresha utendaji kazi wa Baraza hilo.

‘’Serikali ya awamu ya tano imefanya kazi kubwa sana tumeokoa pesa nyingi sana kwa sababu ya kuletewa mifumo ya kisasa ya kidigitali ambayo imetuwezesha kufanya vitu vyetu kwa weledi mkubwa mno kwa kushirikiana vizuri na watu wa tehema’’alisema  Katibu  Mtendaji .

Aidha Dkt. Msonde amewasisitiza walimu kuacha tabia ya kuvujisha mitihani ambayo wanafunzi wanafanya kwa vitendo huku na kusababisha hasara ya kufutwa kwa mitihani kwa baadhi ya shule na kuwataka kuwa waadilifu katika utendaji wao wa kazi

Sanjari na hayo Katibu Mtendaji  ametoa onyo kali kwa wakuu wote wa shule kutofanya tabia za kutoa siri za mitihani kwa wanafunzi wao na kuwa waadilifu kwani tabia hiyo inaweza kusababisha Mkuu wa shule kukosa kazi moja kwa moja

Katika hatua nyingine Dkt. Msonde amesema walimu watumie mafunzo hayo kuwapa na wenzao elimu hiyo ambao hawajafanikiwa kuapata mafunzo hayo ili kuendelea kufanya vizuri katika mitihani yote ya kitaifa kama kawaida iliyopo katika wilaya ya Bagamoyo ya kufanya vizuri katika mitihani hiyo

Mwalimu Methoud Kunambi ametoa pongezi kwa Halmashauri ya Wilaya ya Bagamoyo kwa kuona umuhimu wa kuandaa mafunzo hayo ambayo yamewawezesha kupata vitu vingi muhimu ambavyo vimewasaidia sana huku pia akisema watatumia semina hiyo kuwapa na wenzao ambao hawakubahatika kuwepo katika mafunzo.

Lengo la semina hiyo ni utekelezaji wa mpango wa serikali wa kuwawezesha walimu kukuza taaluma zao ili kuongeza tija katika utoaji wa elimu uwezo wa utendaji kazi kwa walimu wote ,semina hiyo imedumu kwa siku tatu iliyofanyika Bagamoyo Sekondari