KAMATI YA HUDUMA ZA JAMII YAKAGUA NA KUTEMBELEA MIRADI INAYOTEKELEZWA KWA MAPATO YA NDANI

Posted on: April 17th, 2018

KAMATI YA HUDUM ZA JAMII YATEMBELE NA KUKAGUA MIRADI YA MAENDELEO INAYOTEKELEZWA KWA MAPATO YA NDANI

Jumla ya miradi mitano ya sekta ya Afya na Elimu imetembelewa na kukaguliwa na Waheshimiwa Madiwani wanaounda kamati ya huduma za Jamii katika Halmashauri ya Wilaya ya Bagamoyo, katika robo hii ya tatu.

Miradi hii ambayo baadhi ipo katika hatua za ukamilishaji imetengewa jumla ya Tshs. 45,000,000/= ili kuikamilisha na kuanza kutoa huduma kwa jamii.

Miradi iliyotembelewa na kukaguliwa ni pamoja na Madarasa mawili yanayojengwa katika Shule ya Msingi Kerege yaliyotengewa jumla ya Tshs. 5,000,000/= , Zahanati iliyopo Kijiji cha Buma yaliyotengewa kiasi cha Tshs. 10,000,000/= kuikamilisha, Nyumba ya mtumishi katika Zahanati hiyo ya Buma ambayo nayo imetengewa kiasi cha Tshs. 10,000,000/=, Madarasa manne, Shule ya msingi Kitopeni na Nyumba ya muuguzi katika Zahanati ya Kaole iliyotengewa kiasi cha Tshs. 10,000,000.

Mara ya kutembelea na kukagua miradi hii ya maendeleo, kamati ilitoa mapendekezo kuwa juhudi za usimamizi wa miradi hii iongezwe hasa na Watendaji wa Kata inakotekelezwa miradi ili ikamilike kwa wakati na kuanza kutoa huduma kwa jamii.