KAMATI YA SIASA BAGAMOYO YARIDHISHWA NA UJENZI WA MIRADI MBALIMBALI YA MAENDELEO INAYOENDELEA KATIKA HALMASHAURI YA WILAYA YA BAGAMOYO.

Posted on: September 18th, 2023

Kamati ya Siasa ya Wilaya ya Bagamoyo leo tarehe 18 September 2023 imetembelea miradi mbalimbali ya maendeleo inayoendelea ndani ya halmashauri ya wilaya ya Bagamoyo, miradi iliyotembelewa ni pomoja na Mradi wa ujenzi wa Jengo la Wagonjwa wa Dharura (EMD) katika Hospitali ya Wilaya Bagamoyo, mradi wa Ujenzi wa Shule ya Msingi mpya Kiharaka, Mradi wa ujenzi wa Shule ya Sekondari Chasimba na Mradi wa ujenzi wa nyumba za walimu katika Shule ya Sekondari Makurunge.

Mwenyekiti wa Kamati hiyo Mhe. Sharifu Zahoro ameridhishwa na kasi ya ujenzi ya miradi hiyo kwa hatua iliyofikiwa, Mwenyekiti huyo amewaomba wataalamu wanaohusika na katika kusimamia vyema Miradi hiyo na kukamilisha kwa wakati kama ilivyopangwa. "Niwapongeze sana wataaamu mnaosimamia mradi hii kwa kazi nzuri mnayoifanya miradi inaenda vizuri sana nachowaambia muendelee na kasi hii mpaka kukamilika kwake huku mzikingatia thamani ya fedha inayotumika" amesema Mhe. Zahoro

Aidha Mwenyekiti huyo ameishukuru Serikali ya Awamu ya Sita chini ya Mhe Rais Dkt Samia Suluhu Hassan kwa kutoa fedha zinazojenga miradi mbalimbali katika Halmashauri ya Wilaya ya Bagamoyo, pia ametoa pongezi kwa Mkuu wa Wilaya ya Bagamoyo pamoja na MKurugenzi wa Halmashauri kwa kusimamia vizuri miradi mbalimbali inayoendelea Bagamoyo.

Nae Mkuu wa Wilaya ya Bagamoyo Bi..Halima Okashi amesema wataendelea kushirikiana bega kwa bega na watumishi wa Halmashauri kuhakikisha miradi hii na itakayokuja inafanyika kwa weldi na kukamilika ikiwa na ubora uliokusudiwa.

Kwa upande wake mkurugenzi wa Halmashauri ya Wilaya ya Bagamoyo Bw. Shauri Selenda, Ameishukuru Serikali ya Awamu ya Sita inayoongozwa na Rais Dkt Samia Hassan kwa kutoa fedha zinazosaidia kujenga miradi mbalimbali ya maendeleo kwenye Halmashauri ya Bagamoyo, "Tunamshukuru Mhe. Rais kwa kutupatia fedha nyingi zinazosaidia kujenga hii miradi ambayo leo tumetembelea na kuikagua, Serikali imetupatia takribani Bilioni 1.3 iliyowekezwa katika miradi hii, pia tuiopongeze kamati ya Siasa ya Wilaya kwa kuamua kuitembelea miradi hii na kujionea maendeleo yake". aliongeza Bw. Selenda

Kamati ya Siasa ya Wilaya ya Bagamoyo baada ya kumaliza kukagua miradi katika Halmashauri ya Wilaya ya Bagamoyo, itaendelea na ukaguzi wa miradi katika Halmashauri ya Wilaya ya Chalinze