KATIBU TAWALA MKOA WA PWANI AZINDUA MRADI WA USAID HESHIMU BAHARI..

Posted on: September 12th, 2024

Katibu Tawala Mkoa wa Pwani Ndg.Rashid Mchatta amezindua rasmi Mradi wa USAID heshimu Bahari Wilayani Bagamoyo ambapo halfa hiyo imefanyika .

Katika halfa hiyo ya Uzinduzi wa mradi wa USAID uliozinduliwa  hii leo tarehe 12 Septemba 2024 na   Katibu Tawala ameishukuru serikali ya Jamhuri ya Muungano wa Tanzania kupitia Wizara ya Mifugo na Uvuvi kwa kuendelea kutoa fursa kwa Wadau wa Maendeleo kutoa michango yao ili kuhakikisha sekta ya uvuvi inakuwa

Pia Ndg.Mchatta ametumia fursa hiyo kutoa shukrani kwa  wadau USAID na Sea Sense kwa kushirikiana na kuchagua Wilaya ya Bagamoyo kuwa mojawapo ya eneo la utekelezaji wa Mradi.

Sambamba na hayo Katibu Tawala amesema kuwa ni farsa kubwa kuendelea kushuhudia jitihada kubwa zinazochukuliwa kuhakikisha kwamba rasilimali za baharini zinalindwa kwa manufaa ya kizazi cha sasa na kijacho.

Vilevile Ndg.Mchatta ameendelea kusema kuwa Mradi wa USAID heshimu Bahari ni wa kipekee hasa kwa Wilaya ya Bagamoyo na umekuja kwa wakati mzuri ambapo kunahitajika juhudi za pamoja kutatua changamoto zinazo kabili mazingira ya baharini na kulinda uhai wa viumbe  vilivyomo ndani yake.

Hafla ya uzinduzi wa mradi wa USAID heshimu bahari umehudhuliwa na wadau mbalimbali wakiwemo waheshimiwa madiwani ,watumishi wa Halmshauri  wakuu wa Taasisi za serikali wawakilishi wa asasi za kiraia,wawakilishi wa jamii za uvuvi za Bagamoyo,pamoja na wadau mbalimbali wa mazingira