KIKAO KAZI MKURUGENZI NA WATUMISHI...

Posted on: November 1st, 2024

Mkurugenzi Mtendaji Halmashauri ya Wilaya ya Bagamoyo Shauri Selenda leo tarehe 1 Novemba 2024 amekutana na watumishi na kuzungumza nao mambo mbalimbali.

Katika kikao kazi hicho baina ya Mkurugenzi Mtandaji,Wakuu wa Idara na Vitengo pamoja na Watumishi kutoka Idara mbalimbali kilichoketi katika ukumbi wa Mikutano Halmashauri ya Wilaya ya Bagamoyo.

Mkurugenzi Mtendaji ametumia fursa hiyo kuzungumza na watumishi pamoja na kujadiliana vitu tofauti vya kuboresha utoaji wa huduma kwa wananchi pamoja na watumishi wenyewe.

Pia vile vile Watumishi hao wamepata nafasi ya kusomewa makusanyo ya mapato ya ndani na matumizi na kusikiliza changamoto zinazowakabili na kupatiwa ufumbuzi wa Changamoto hizo.

Vile vile Mkurugenzi amesisitiza kwa watumishi hao kuendelea kuwa na nidhamu ya kuwahi kufika ofisini pamoja na kuwa na lugha nzuri pindi wanapokuwa wakizungumza na wananchi wakati wa kuwahudumia.

Katika Kuhakikisha watumishi wa Halmashauri ya Bagamoyo wanapata mazingira rafiki ya utoaji wa huduma Mkurugenzi ameendelea kufanya maboresho ya miundombinu katika ofisi za Halmashauri pia ametengeneza sehemu ya kupatia chakula kwa watumishi na kuahidi kuendelea kuboresha vitu vingine taratibu.

Sanjari na yote hayo pia amewasisitiza watumishi wote kujitokeza kwenda kupiga kura siku ya Novemba 27,2024 kwenye uchaguzi wa Serikali za mitaa kwa ni haki yao ya msingi na kikatiba pia.

#serikalizamitaasautiyawananchijitokezekushirikiuchaguzi

#shirikiuchaguziwaserikalizamitaa2024