MAADHIMISHO MIAKA 61 YA UHURU YAFANYA WILAYANI BAGAMOYO..

Posted on: December 9th, 2022

Madhimisho ya Miaka 61 ya Uhuru wa Tanzania bara Wilayani Bagamoyo ambapo katika maadhimisho hayo kumetolewa mada mbalimbali kuhusu Uhuru wa Tanzania bara pamoja na

Taasisi mbalimbali zilizopo ndani ya Wilaya ya Bagamoyo kueleza Maendeleo na Mafanikio waliyoyapata  toka mwaka 1961 mpaka hivi Sasa

Katika hafla hiyo iliyofanyika katika Ukumbi wa Mikutano wa Shule ya Sekondari ya Lugoba mbele ya mgeni rasmi,Katibu Tawala wa Wilaya ya Bagamoyo,Bi. Kasilda Jeremiah Mgeni. Kulifanyika shughuli mbalimbali kama michezo ya mpira wa miguu,upandaji miti,usafi wa mazingira na kongamo lililohusisha wananchi wote katika upokeaji wa mafanikio yaliyofikiwa na Serikali katika kuwahudumia wananchi na wananchi walipata fursa ya kutoa maoni yao kwa mafanikio ya Serikali katika sekta mbalimbali.

Katika kongamano hilo wataalam katika sekta mbalimbali walipata fursa ya kutoa maada mbalimbali kisekta na jinsi mafanikio yalivyopatikana ndani ya miaka 61 ya uhuru, maada zilizowasilishwa ni Siasa na Utawala Bora,Ufanisi katika Huduma za Jamii(Afya, Maji, Elimu na Nishati, Hali ya Uchumi, Kilimo,Viwanda, Biashara na Miundombinu.

Aidha wananchi walipata fursa ya kutoa maoni mbalimbali kuhusiana na mafanikio yaliyofikiwa ndani ya miaka 61 sanjari na kauli Mbiu ya maadhimisho hayo ambayo ni:”Amani na Umoja ni Nguzo ya Maendeleo yetu.”

“Serikali yetu imepiga hatua kubwa katika suala la Utawala bora,kwani mwanzo maelekezo yalitoka juu kushuka chini lakini kwa sasa wananchi tunaweza kutoa mahitaji yetu kutoka chini kwenda juu kutokana na vipaumbele vyetu na yakafanyiwa kazi hii ni hatua kubwa kiutawala ndani ya miaka 61 ya Uhuru wetu.” Shekh Nassoro alisema.

Kwa upande wake Mgeni Rasmi katika kongamano hilo kwa niaba ya Mkuu wa wilaya, *Mhe Kasilda Mgeni* aliwapongeza watoa mada wote katika kongamano hilo kwa kuweza kuyabainisha mafanikio ya Serikali kwa kina kisekta ndani miaka 61 ya uhuru wa Taifa la Tanzania na kuwataka washiriki wote kuwa mabalozi katika kuyasema mafanikio hayo hadharani kwani ndiyo uhalisia uliopo.

“Ndugu washiriki niwapongeze wote kwa jinsi mlivyoweza kuyasema kwa kina mafanikio ya Serikali katika nyanja mbalimbali za maisha,pia niwapongeze viongozi wote waliowahi kuliongoza Taifa hili kuanzia muasisi wa Taifa hili Hayati Baba wa Taifa Mwalimu Julius Kambarage Nyerere, Mzee Ali Hassan Mwinyi, Hayati Benjamin William Mkapa, Dkt.Jakaya Mrisho Kikwete, Hayati Dkt.John Pombe Joseph Magufuli na Dkt.Samia Suluhu Hassan kwa juhudi mbalimbali walizozifanya na zinazoendelea kufanyika katika kuliletea matokeo chanya Taifa hili.” Mgeni Rasmi alisema.

Pia baadhi ya Viongozi mbalimbali wa kidini wakitoa wasio wao Kwa wananchi wa Bagamoyo na Tanzania kiujumla kuendelea kulinda Amani ya Tanzania.

Wilaya ya Bagamoyo imefanya zoezi la upandaji wa miti Pamoja na kufanya usafi maeneo mbalimbali katika Wilaya, yote ni kuendelea kuenzi Miaka 61 ya Uhuru wa Tanzania Bara.

"Amani ná Umoja ni Nguzo ya Maendeleo yetu".