MAFUNZO KWA WARATIBU TASAF.

Posted on: June 17th, 2021

Mratibu wa malipo kwa njia yakIelectroniki Tasaf Josephine Joseph ametoa wito kwa washiriki wote waliohudhilia mafunzo ya mpango wa pili wa Tasaf wa malipo kwa njia ya kielectroniki kwa kaya masikini kusikiliza vizuri na kulewa Mafunzo yanayotolewa  ili waweze kutekeleza mpango huo bila kutokea kwa makosa

Akizungumza wakati wakati wa mafunzo hayo tarehe 17 June 2021 Bi Josephine amesema kuwa ni vema kwa washiriki wote ambao ndio watekelezaji wa mpango kusikiliza kwa makini ili kuweza kuelewa vizuri kwani itasaidia kuondoa makosa madogomadogo ambayo yanaweza kujitokeza pindi watakapo anza utekelezaji

‘’Wito wangu kwa washiriki wote ni kusikiliza kwa makini na kuelewa vizuri ili kuweza kufanya vizuri katika kutekeleza mpango huu wa malipo kwa njia ya kielekitroniki’’alisema Bi Josephine

Nae Mtaalamu wa Tehama Bw.Peter Lwanda amesema kuwa  kupitia mafunzo hayo yanayotolewa kwa washiriki wa utekelezaji wa Mpango huu wa malipo kwa njia ya kielekitroniki utaenda kutatua changamoto ambazo zilijitokeza wakati ambao walikuwa wanafanya majaribio ya mfumo huu mpya.

Pia amewataka washiriki wote pindi watakapo kwenda kutekeleza majukumu ya mpango huu kutoa taarifa ambazo zitakuwa zinaleta changamoto ili kuweza kutatuliwa haraka iwezekanavyo ili kuhakikisha kila mlengwa wa Tasaf anapata stahiki zake kwa wakati bila kuwa na dosali.

‘’Mpango huu unaenda kutatua changamoto mbalimbali pia washiriki wanatakiwa kutoa taarifa za changamoto ili tuweze kuzitatua kwani tunahitaji kila mlengwa aweze kuapta stahiki zake kwa wakati bila kukosa

Sanjari  na hayo Bw Makame Ally ambae nae ni mratibu wa Tasaf upande wa Unguja amesema kuwa watatumia mafunzo hayo ili kuhakikisha wanatoa huduma kwa kila mlengwa anaestahili kupata haki yake na pia kupitia mafunzo watakwenda kutatua changamoto ambazo zimejitokeza kipindi kilichopita na kuhakikisha wanasawazisha makosa yaliyo jitokeza.

Pia ameongeza kuwa mafunzo hayo yanayotolewa ni muhimu sana kwa watendaji na kuipongeza serikali ya Jamhuri ya Muungano wa Tanzania kupitia bunge lake ya kwamba walengwa wote wa kaya masikini wanatakiwa kuingia katika mfumo wa kupokea fedha zao kwa njia ya kielekitroniki.

Mafunzo ya mfumo wa malipo kwa njia ya kielekitroniki yanayotolewa kwa waratinu wa halmashauri ambazo zipo katika utekelezaji wa mpango wa pili wa Tasaf kwa kaya masikini yanaendelea kutolewa katika Wilaya ya Bagamoyo na yatadumu kwa muda wa siku 4 kwa waratibu wote ili kuhakikisha wanapata uelewa wa mpango huu wa malipo kwa njia ya kielekitroniki.