MAFUNZO UBORESHAJI WA UFUNDISHAJI NA UJIFUNZAJI KWA MADARASA YA AWALI YAFANYIKA BAGAMOYO ..

Posted on: February 13th, 2023

Mafunzo ya Uboreshaji wa Ufundisahji na Ujifunzaji kwa madarasa ya Awali programmu ya Shule Bora yanafanyika  leo tarehe 13 Februari 2023 katika Shule ya Sekondari Bagamoyo Mkoani Pwani.

        Akifungua mafunzo hayo kwa niaba ya Afisa Elimu Mkoa wa Bi Sarah Mlaki, Afisa Elimu Taaluma Mkoa wa Pwani Bwana Yasir Mbonde alisema kuwa, lengo la mafunzo hayo ni kubaini changamoto na fursazilizopo katika ufundishaji na ujifunzaji wa stadi za Kusoma,Kuandika na Kuhesabu(KKK) katika madarasa ya elimu ya awali la Kwanza na la Pili. . “Tunategemea kwenye mafunzo haya, kwa pamoja kubaini mambo muhimu yatakayosaidia kuboresha ufundishaji wa KKK na kuleta matokeo chanya na pia kuandaa mpango kazi wa kuboresha utatuzi wa changamoto zitakazoibuliwa ‘’ Alisema Bw Mbonde.

        Akitoa taarifa fupi ya mafanikio ya mradi wa Shule Bora kwa Mkoa wa Pwani kwa kipindi cha Mwaka mmoja alisema kuwa,  kuna mafanikio lukuki yaliyopatikana katika utekelezaji wa Programmu ya Shule Bora ikiwemo uanzishwaji wa vituo 38 vya Utayari lengo likiwa kutoa fursa wa wanafunzi wa miaka 6-9 ambao hawakujiunga na Elimu ya awali kuweza kujiandaa kujiunga na elimu ya msingi. Unzishwaji wa mpango wa chakula mashuleni.Wilaya ya Mkuranga iliweza kuanza na shule 3o. Programmu ya Shule Bora iliweza kutoa mafunzo kwa walimu kuhusu kuibua hadithi za mafanikio za mfano kwa walimu 1961 Mkoa mzima pia mafunzo kwa maafisa Elimu Msingi na Sekondari kuhusu uelewa wa Vigezo vya Programmu ya Lipa kwa Matoke (EP4R) pamoja na mafunzo wa waandishi wa Habari 60 wa Mkoa wa Pwani kuelewa na kutangaza shuguli za Praogrammu ya Shule Bora. ‘’Kwa  h ni mafanikio makubwa nay a kujivunia kwa muda mfupi, nichukue nafasi hii kwa niaba ya Afisa Elimu Mkoa kutoa pongezi kwa viongozi wa ngazi zote walioshiriki kwa njia moja au nyingine kufanikisha jambo hili’’ Alisisitiza.  

     Mafunzo hayo ya siku moja yamewakutanisha maafisa Elimu Msingi, Wadhibiti ubora awa Shule toka Halmashauri zote za Mkoa wa Pwani.Wengine ni maafisa toka wanaoshughulikis Elimu Mkoa wa Pwani, TAMISEMI pamoja na wawezeshaji toka Taasisi ya Elimu Tanzania amabao ndio wanaoandaa mitaala mbalimbali  ya ufundishaji katika Programmu Shule Bora.

      Shule bora  nia Programu ya Serikali ya Tanzania ya kuboresha elimu ya Awali na Msingi kwa ufadhili wa UKaid na Serikali ya Uingereza inayotekelezwa katika Mikoa Tisa ya Tanzania Bara.