MAFUNZO YA WALIMU JAMII WASAIDIZI SHULE ZA UTAYARI AWAMU YA PILI YAENDELEA BAGAMOYO MKOANI PWANI.

Posted on: November 22nd, 2022

Mwezeshaji Mkuu kutoka Wizara ya Elimu,Sayansi na Teknolojia katika  mpango wa Shule Bora Bi Anna Godwin alifungua rasmi mafunzo  ya walimu jamii wasaidizi (MJM) 38 wa  shule za Utayari awamu ya pili waliotoka katika Halmashauri zote Mkoa wa Pwani yamayofanyika katika Shule ya Bagamoyo Sekondari  kuanzia tarehe 21 hadi 25 Novemba 2022.                  

 Akifungua mafunzo hayo, Bi Anna Godwin aliwashukuru walimu wa jamii wote  waliopata mafunzo awamu ya kwanza kwa kupata nafasi ya kushiriki awamu ya pili. “Nashukuru sana Walimu Wasaidizi wa Jamii  kwa kweli mmefanya kazi kubwa ya kujitolea kwa wiki nne baada ya mafunzo ya awamu ya kwanza,  Hii inaonesha uzalendo mlionao kwa jamii zenu na Serikali kwa ujumla na sasa tumewaita tena kuongeza dozi ya mafunzo yetu ili kuleta ufanisi zaidi katika vituo vyetu”  alisema Bi Anna Godwin.

 Afisa Elimu Mkoa wa Pwani Bi Sarah Mlaki awali alieleza kuwa mafunzo haya awamu ya pili yaliyoandaliwa na ofisi ya Mkoa wa Pwani ni  mwendelezo wa mafunzo kwa ajili ya Walimu Jamii Wasaidizi baada ya kupata mafunzo awamu ya kwanza yaliyotekelezwa kwa Wiki Nne. Sasa tunafanya tathmini na kujiwekea malengo mapya baada ya mafunzo ya awamu ya kwanza. “Tunategemea kuendesha mafunzo haya kwa walimu wa kuanza shule ya utayari  kwa muda wa wiki 12  na tayari Wiki Nne zimepita lazima tufanye tathmini na kutoa mafunzo zaidi kwa walimu jamii wasaidizi  ili kuleta ufanisi’’ alisema Hamis Chikaula Afisa Elimu watu wazima wa Rufiji .                             

 Aidha Chikaula aliendelea kusema kuwa, kuna mafanikio makubwa sana katika uanzishaji wa vituo vya Shule ya Utayari katika Mkoa wa Pwani kwa mfano kati ya vituo 38 vilivyopo sasa kimkoa vituo 29 tayari vina maaeneo ya eka 3 mpaka 10 ya kuweza kaunzisha  shule Shikizi. “Hata hivyo shule 31 kati ya 38 wanapata uji shuleni aya ni mafanikio makubwa’’  alisisitiza Afisa huyo

Akiendelea kutoa taarifa ya ujumla kwa Mgeni Rasmi alisema kuwa kwa sasa, kuna vituo 8 vina Watoto wenye mahitaji maalumu, vituo vinne vina chanagamoto ya lugha na vituo vyenye Watoto chini ya 20 ni vituo vitano.

Kwa upande wao walimu wa Jamii Wasaidizi waliishukuru Seriklai kwa kuibua mradi huu kwani umesadia uelewa wa wazazi kuwapeleka shule watoto wao. ‘’Pamoja na changamoto ya umbali kati ya Shule mama na shule ya utayari,  na ukosefu wa vyoo bora bado kuna haja ya kuboresha maendeleo ya programu huu’’ alisema Mwalimu Senkoro toka Halamshauri ya Wilaya ya Kisarawe.

 Hata hivyo Mratibu wa Shule Bora Mkoa wa Pwani Bi Oliver Kapaya alitumia nafasi hiyo kuwashukuru Wakurugenzi wote wa Halmashauri za Mkoa wa Pwani kwa ushirikiano waliouonesha katika kusaidia utekelezaji wa program hii hadi hapa tulipofikia. ‘’Naamini kabisa mwendelezo wa program hii njia ipo wazi hatuna wasiwasi Halmashauri zimeonyesha ushiriano mkubwa sana’’ alimalizia.

                                                                                                 Shule bora  nia Programu ya Serikali ya Tanzania ya kuboresha elimu ya Awali na Msingi kwa ufadhili wa UKaid wa Serikali ya Uingereza.Unatekelezwa katika Mikoa Tisa ya Tanzania.  Kwa Mkoa wa Pwani vimeanzishwa vituo 38 vinavyotoa elimu na kuna jumla ya walimu jamii wasaidizi 38 walinaopatiwa mafunzo hayo.