MBIO ZA MWENGE WA UHURU HALMSAHURI YA WILAYA BAGAMOYO MWAKA 2017

Posted on: June 9th, 2017

Mwenge wa Uhuru uliwasili Halmashauri ya Wilaya Bagamoyo ukitokea Halmashauri ya Wilaya Kibaha tarehe
08/06/2017 katika Kata ya Mapinga.
Mwenge wa Uhuru ulipangiwa kutembelea jumla ya Miradi 14 ambapo kati ya hiyo Mradi mmoja ulizinduliwa,
Miradi minne iliwekwa jiwe la msingi na Miradi tisa ilitembelewa. Jumla ya fedha katika miradi yote ni
Tsh 18,161,661,659.98.
1.Mradi uliozinduliwa ni Shule ya Sekondari Fukayosi
2.Miradi iliyowekewa jiwe la Msingi ni Ghala la Skimu ya Umwagiliaji, Barabara ya Bagamoyo - Makofia kiwango
cha lami KM 1.8,Kiwanda cha Salibaba Pallets Kata ya Mapinga na Soko la Nafaka na Mchele Kata ya Magomeni
3.Miradi iliyotembelewa ni kata ya Mapinga (Hill Packing Co. LTD, Kikundi cha Waendesha Boda Boda (UWADEPIMASHU)
,Jitegemee Mapinga Saccos, Mradi wa RBF Zahanati ya Mapinga,Mapambano dhidi ya Malaria Zahanati Mapinga na
Mapambano dhidi ya Ukimwi Zahanati Mapinga) kata ya Kiromo (Mapambano dhidi ya Dawa za Kulevya Ofisi ya Kata Kiromo)
Kata ya Dunda (Life and Hope Rehabilitation Organization Bagamoyo - Ukuni Sober House) na Kata ya Fukayosi (Kuona na
Kupokea taarifa za mapambano dhidi ya RUSHWA.

Katika hotuba yake ya majumuisho eneo la mkesha Kiongozi wa Mbio za Mwenge Kitaifa Ndugu Amour Ahamdi Amour alishukuru
Ofisi ya Mkuu wa Wilaya, Mkurugenzi Mtendaji Wilaya na Watumishi wa Halmashauri kwa ushirikiano katika Utendaji Kazi
huku akisissitiza kauli mbiu ya Mwenge Kitaifa "KUSHIRIKI KATIKA KUJENGA UCHUMI WA VIWANDA KWA MAENDELEO YETU"

Katika Hotuba ya ukaribisho Mhe. Mkuu wa Wilaya Bagamoyo Ndugu Majid Mwanga alimkaribisha viongozi wa Mwenge Kitaifa kwa kuwaambia Bagamoyo
eneo la Economic Zone kwani lina viwanda vingi na kukaribisha wawekezaji.

Mkoa wa pwani Unategemea Kuhitimisha kwa Kukimbiza Kwenye Wilaya Mpya ya Chalinze hapo Juni 9 na baadaye Kuukabidhiwa
Mkoa wa Morogoro Juni 10.

Kupata picha zaidi Bofya hapa