MILIONI 500 KUANZA KUJENGA JENGO JIPYA LA HALMASHAURI YA WILAYA YA BAGAMOYO.

Posted on: August 25th, 2022

Halmashauri ya Wilaya ya Bagamoyo Mkoani Pwani imetenga fedha shilingi milioni  mia tano kwa ajili ya kuanza ujenzi wa jengo jipya la Halmshauri ili kuongeza ufanisi wa kazi na kutoa huduma bora kwa wananchi.

      Hayo yalisemwa leo na Mkurugenzi wa Halmashauri ya Wilaya ya Bagamoyo  Bwana Shauri Selenda katika kikao cha baraza la madiwani robo ya nne kwa Mwaka 2021/2022 kilichofanyika Bagamoyo Mkoani Pwani baada ya Mhandisi kuwasilisha ramani ya michoro ya jengo hilo mbele ya Wahe.Madiwani ,Wakuu wa Idara pamoja na wageni waalikwa. ‘’Halmashauri yetu kwa Mwaka wa fedha 2022/2023 imetenga fedha shilingi miloni Mia Tano kwa ajili ya kuanza ujenzi wa jengo jipya la Halmshauri kwa ajili ya watumishi kupata mazingira bora ya kufanyia kazi na kurahisisha wananchi kupata huduma mbalimbali sehemu moja tofauti na ilivyo sasa ofisi za Halmashauri zimetapakaa sehemu tofautotofauti’’ Alisema Selenda.Alisema kuwa, haya ni maendeleo ‘’ naamini tutaanza ujenzi hata kama sitamaliza watakao nifuata watamalizia wananchi wa bagamoyo ni furaha kuwa na jengo jipya kwani mji wa Bagamoyo unakuwa kwa kasi sana naomba tuendelee kushirikiana kuwahudumia wananchi na tuache alama kwa vizazi vijavyo kama wazee wetu waliotutangulia  na kuanzisha Halmashauri hii ‘’ alisisitiza.

        Kwa upande wake Mhandisi wa Halmashauri Bwana Martine Mujuni alisema kuwa jengo hilo linatarajia kuwa ghorofa tatu ambazo kwa mpangilio wake zitatosha Idara na Vitengo vyote na kulete ufanisi wa utendaji kazi zaidi.

Awali katika kikao hicho Mwenyekiti waHalmashauri ya Bagamoyo Mhe. Mohamedi Usinga alisema kwa muda wamekuwa na mpango wa kuboresha majengo hivyo imefika wakati kwa Halmashauri hiyo kupata jengo jipya la kisasa katika eneo la Ukuni kata ya Dunda.