Mkurugenzi agawa vishikwambi kwa Makarani.

Posted on: August 11th, 2022

Mkurugenzi Mtendaji wa Halmashauri ya Bagamoyo Ndg.Shauri Selenda leo ameshiriki zoezi la ugawaji wa vishikwambi (simujanja)Kwa Makarani wa   Sensa ya Watu na Makazi.

Katika zoezi hilo Mkurugenzi Mtendaji amezungumza na Makarani hao ambao wanatarajia kufanya zoezi la Sensa ifikapo Tarehe 23/08/2022 Kwa lengo la kupata Takwimu za idadi ya watu nchini

“Ndugu zangu mmeaminiwa na Serikali ili kuweza kusaidia kufanya hili zoezi kwa Moyo wa uzalendo na sio vinginevyo”amesema Ndg Shauri

Aidha pia Mkurugenzi Mtendaji amewasisitiza Makarani wote pamoja na Wasimamizi wa maudhui kutunza vifaa walivyopewa na kuhakikisha vinakuwa katika hali nzuri mpaka pale zoezi litakapo kamilika.

Sanjari na hayo Mkurugenzi amewaeleza kuwa vishikwambi vyote hivyo walivyokabidhiwa ni Kwa ajili ya zoezi la Sensa na sio vinginevyo.

“Ndugu zangu vishikwambi vyote hivyo ni kwaajili ya kufanyia zoezi la sensa msije mkataka kufanyia matumizi mengine “amesema Ndg.Shauri Selenda.

Pamoja na hayo amewasihi kufanya kazi kwa ubora kama ambavyo walivyopata Mafunzo Kwa kipindi chote ili kuweza kusaidia Taifa kupata takwimu zilizo Sahihi na zenye uhalisia.

Nae Zawadi Kondo ambae ni mmoja wa Makarani waliopatiwa Mafunzo ameahidi Kwa niaba ya Makarani wenzake kuwa watafanya kazi hiyo kwa Uzalendo mkubwa kwa ajili ya Taifa.

“Mhe Mkurugenzi tunakuahidi kuwa tutafanya kazi hii Kwa umakini na Uzalendo mkubwa Kwa ajili ya Taifa letu na tunakuahidi hatuto kuangusha wakati wa zoezi la Sensa ya Watu na Makazi”amesema Zawadi

Zoezi la Sensa ya Watu na Makazi linatarajia kufanyika siku ya Jumanne Tarehe 23/08/2022 ambapo Zoezi hili litakuwa ni Zoezi la Sita katika Taifa la Tanzania.