MKURUGENZI BAGAMOYO ATOA SHUKRANI KWA CAMFED...

Posted on: September 26th, 2024

Mkurugenzi Mtendaji Halmashauri ya Bagamoyo Shauri Selenda ametoa shukran kwa shirika lisilo la kiserikali Camfed mara baada ya kuwapatia msaada wa madawati  1340 .

Akizungumza wakati wa Halfa hiyo ya makabidhiano tarehe 26 Septemba 2024 katika viwanja vya shule ya Msingi Mshikamo iliopo Kata Zinga Halmashauri ya Bagamoyo.

Mkurugenzi amesema kuwa juhudi kubwa zimefanyika na serikali kwa kuhakikisha wanajenga miundombinu ya Madarasa lakini pia wanaendelea kutoa shukran kwa wadau wanaoendelea kuiunga mkono Serikali kama walivyofanya Camfed kwa kutoa msaada wa Madawati  ili kutatua changamoto ya ukosefu wa viti mashuleni kutokana na wingi wa Wanafunzi.

Vilevile Ndg.Selenda ameongeza kwa kutoa wito kwa Walimu pamoja na wanafunzi kuhakikisha wanatunza na kulinda madawati hayo ili yasije kuharibika na kupelekea kuwa na uhaba wa madawati shuleni hapo.

Sambamba na hayo Mkurugenzi amebainisha kuwa kuna ongezeko la kubwa la wanafunzi kila mwaka hivyo ni muhimu kuendelea kuwashukuru Camfed kwa msaada huo walioutoa maana wanaendelea kushirikiana na serikali kikamilifu.

Nae Diwani wa Kata hiyo ya Zinga Mhe Mohamed Mwinyigogo  amewashukuru wadau hao wa Maendeleo Camfed na kuwaomba kuendelea kuwaunga mkono katika mambo mbalimbali ndani ya Halmashauri ya Bagamoyo.

Shirika hilo lisilo la kiserikali Camfed limetoa madawati 1340 huku shule ya Msingi Mshikamano wakipata madawati 150,Zinga 130,Jayantilaladwa madawati  130,Jitegemee Madawati 130,Kiembeni 130,Bigilo 130,Kidongochekundu 130,Nianjema 130,Mapinga 130 na Shule ya Msingi Mtambani 130 ambapo madawati hayo yamekabidhiwa kwa niaba ya Shule zote katika shule ya Msingi Mshikamano.