MKURUGENZI MTENDAJI BAGAMOYO AFUNGA MAFUNZO YA WALIMU JAMII WASAIDIZI MRADI WA UTAYARI WA KUANZA SHULE..

Posted on: October 20th, 2022

Mkurugenzi Mtendaji wa Halmashauri ya Wilaya Bagamoyo Bwana Shauri Selenda  amefunga mafunzo maalumu ya walimu jamii wasaidizi jana Jumatano katiaka Shule ya Sekondari Bagamoyo Mkoani Pwani. Akifunga mafunzo hayo kama awali aliwapongeza  na kuwashukuru mradi wa Shule Bora kwa kuandaa  mafunzo hayo katika muda muafaka. Aliwashauri walimu waliopata mafunzo kutumia ujuzi walioupata katika mafunzo hayo  kukuza na  kuendeleza elimu katika vituo vya utayari wa kuanza  shule  watakavyopangiwa. Alisisitiza kuwa elimu ndio muhimu zaidi katika maisha kwani inampa mtu uwezo wa kukabiliana na maisha katika mazingira yoyote. ”Elimu ni muhimu sana katika kuleta maendeleo katika Nchi’’ alisisitiza Bwana Selenda. Kwa upande mwingine mgeni rasmi aliwashukuru wakufunzi kwa ubunifu mkubwa katika mafunzo hayo kwa kuwafundisha walimu jamii wasaidizi kupitia elimu  waliyopewa na kuwajengea maarifa. ” Nashukuru sana wakufunzi kwa kweli mmefanya kazi kubwa kuwajengea uwezo walimu hawa hasa kuwezesha kujifunza zana za ufundishaji kutokana na mazingira yao, huu ni ubunifu mkubwa  nawashukuru sana sana’’ alihitimisha Bwana Selenda.

        Akimkaribisha mgeni rasmi kabla ya kufunga mafunzo hayo, Afisa Elimu ya Awali na Msingi  Halmashauri ya Wilaya Bagamoyo Bi Wema Kajigili alimfahamisha mgeni rasmi  kuwa, chimbuko kubwa la kuanzisha mpango wa utayari wa kuanza shule ni changamoto iliyonekana huko nyuma kuwa, Kimkoa kuna shida kubwa ya watoto wakifika darasa la nne hawajui kusoma na kuandika ndipo ilibuniwa programu hii kuwasaidia watoto walioshindwa kupata mafunzo ya awali wapate mafunzo haya. ‘’ Tunategemea kendesha mafunzo haya watoto ya utayari wa kuanza shule kwa muda wa  wiki 12 na baada ya hapo watoto hao wataingia shule mama kuendelea na masomo ‘’ aliesma Bi Kajigiri. Mafunzo haya ya Utayari wa Kuanza Shule yaliendeshwa kwa miongozo na mitaala iliyotayarishwa na Tasisi ya Elimu na inajikita katika sehemu kuu Tano ikiwemo kuwawezesha walimu jamii wasidizi kuwafundisha watoto mawasiliano kwa lugha ya Kiswahili, utambuzi wa vitu mbalimbali kama picha,mahusiano, kujenga afya na utunzaji wa mazingira na usafi.  Kwa Mkoa wa Pwani vimeanzishwa vituo 36 vitakavyo toa elimu na kuna jumla ya walimu jamii wasaidizi 38 waliopatiwa mafunzo.

       Mpango wa Utayari wa Kuanza Shule ni mradi  chini ya Programu ya Shule Bora Nchini unaotelezwa kwa pamoja kati ya Serikali ya Tanzania na Uingereza kupitia Cambridge Education Tanzania.