MKURUGENZI MTENDAJI BAGAMOYO AKUTANA NA VIONGOZI WA MASHIRIKA YASIYO YA KISERIKALI.

Posted on: August 17th, 2022

Mkurugenzi Mtendaji wa Halmashauri ya Wilaya Bagamoyo Ndg. Shauri Selenda  tarehe 17 Agosti  2022 katika ukumbi wa Halmashauri ya Wilaya Bagamoyo amekutana na viongozi na wawakilishi wa  tassisi zisizo za Kiserikali (NGOs) ili kujadili  taarifa Mbalimbali za utendaji kazi wa tasisi hizo kwa Mwaka wa fedha 2021/2022.

      Akifungaua kikao hicho Mkurugenzi Mtendaji aliwasisitiza viongozi hao kufanya kazi kwa kufuata misingi ya katiba na taratibu za Nchi kuhakikisha kuwa wanawasaidia wananchi pamoja na kuleta maendeleo. ‘’Najua lengo la taasisi zenu ni kuwasaidia na kutoa huduma kwa wananchi katika maeneo Mbalimbali hivyo nawasihi kuwa lazima mfanye kazi kwa taratibu na sheria zilizopo, sisi kama Serikali tunatambua mchango mkubwa unaofanywa na Tasisi hizi zisizo za Kiserikali ila hatutasita kuuingilia kati pale tutakapoona tasisi zenu zinaenda kinyume na matakwa ya sheria’’ alisema Mkurugenzi huyo. Ailwafahamisha viongozi hao kuwa wakati wote Serikali ipo tayari kufanya kazi na tasisi zote kunafanikisha malengo ya kuwapa huduma na maendeleo wananchi hasa wa kipato cha chini.

      Wakiwasilisha taarifa Mbalimbali za utendaji kazi wa taasisi hizo kwa Mwaka wa fedha 2021/2022 na mafanikio yaliyopatikana ni pamoja na kusomesha watoto 489 katika shule za awali,msingi,sekeondari na vyuo amabapo moja kati yao wavulana ni 207 na wasichana ni 282. Walieleza kuwa, utoaji wa elimu kwa wanufaika ulijikita hasa katika masuala ya elimu ya jamii,hasa haki za watoto,ukatili wa kijinsia, masuala ya mirathi,wosia na masuala ya ujasiriamali. Aidha viongozi wa Mashirika yasiyo ya Kiserikali walimtaarifu Mkurugenzi Mtendaji kuwa,watu wapatao 3,408 walipata mafunzo kuhusu masuala ya ardhi kwani kwa maoni yao Halmashauri ya Wilaya ya Bagamoyo ni moja kati ya halmashauri inayoongoza kwa migogoro ya ardhi katika Mkoa wa Pwani. ‘’Mhe.mageni rasmi pamoja na mafanikio yote hasa kuhusu kazi zetu za kawaida tumefanikiwa pia kuwapa elimu vijana 437 kuhamasisha na kutoa elimu ya Sensa ya watu na makazi inayotarajiwa kufanyika tarehe 23 Agosti 2022 haya nai mafanikioa makubwa kwa uapande wetu ‘’ alisema Mwakilisha wa taasisi ya Rafiki Tanzania (RATA). Katika kikaokazi hicho jumla ya taasisi zaidi ya 6 sizizo za Kiserikali zilihudhuria katika kikao hicho ikiwemo Taasisi ya Rafiki Tanzania(RATA), Moyo Mmoja , Dynamic Women For Productive Initiative,(DWOPRI), Amazing Step For Children Foundation na Bagamoyo BACCA. Kauli mbiu ya Mashirika hayo yasiyo ya Kiserikali katika utekelzaji wa kazi zao ilikuwa ‘’ Uendelevu wa Mashirika asiyokuwa ya Kiserikali; Wadau Tuwajibike’’

   Kwa upande wake, mratibu wa masuala ya taasisi zisizo za Kiserikali Halmashauri wa Wilaya Bagamoyo ambaye pia ni Mkuu wa Idara ya Maendeleo ya Jamii Bi Delvin Maleko aliwashukuru viongozi hao wa taasisi hizo kwa kupata muda wa kujadili taarifa zao za Mwaka na kuhaidi kuwa, Idara yake imepokea changamoto zote zilizoelezwa katika kikao na zitafanyiwa kazi ili kuleta tija na maendeleo yaliyokusudiwa na taasisi hizo.