MKUU WA MKOA WA PWANI AZIDI KUTATUA MIGOGORO YA ARDHI KATA YA MAPINGA.

Posted on: February 23rd, 2023

Mhe Abubakar Kunenge Mkuu wa Mkoa wa Pwani amefanya ziara kwenye maeneo yenye Migogoro Ardhi katika Kata ya Mapinga  Vitongoji vya Kiharaka, Kimele, Kiembeni na Mapinga kutoa maamuzi ya Migogoro hiyo ya Ardhi.

Ambapo katika maamuzi hayo Mkuu wa Mkoa wa Pwani amesisitiza kuwa busara na mapendekezo ya kamati ndio ambayo yanatumika ili kuhakikisha wanatatua migogoro hiyo iliyopo kata ya mapinga Bagamoyo.

“Niwaombe ndugu zangu wana mapinga hapa sijaja kusikiliza upya kesi za mogogoro iliyopo hapa nipo kwa lengo la kutatua na kuwasomea yale mapendekezo ya kamati iliyokuwa imeundwa na Mhe Waziri na serikali ikaridhia mapenekezo hayo ya kamati”Amesema Mhe Abubakar Kunenge  

Aidha pia Mhe Kunenge amesema kuwa Wananchi waliovamia maeneo ya wenye Hati kufanya maridhiano na wenye Ardhi, huku pia akiwasisitiza wale wote walioshinda kesi kukazia hukumu na wenye madalali wa mahakama kufanya Utekelezaji wa hukumu hizo.

Sanjari na hayo Mhe Mkuu wa Mkoa ameeleza kuwa kwa wale wote ambao bado kesi zao zipo Mahakamani kuendelea kuzifatilia kesi zao mpaka zitakapitolewa maamuzi na Mahakama.

Hatua hiyo ni Utekelezaji wa Mapendekezo ya Kamati ya uchunguzi wa Migogoro ya Ardhi Kata ya Mapinga iliyoundwa na Waziri Ardhi Nyumba na Maendeleo ya Makazi.