MKUU WA WILA YA BAGAMOYO AKUTANA NA WENYEVITI WA VITONGOJI KUHAMASISHA SENSA.

Posted on: August 15th, 2022

Mkuu wa Wilaya Bagamoyo Mhe. Zainab Issa amekutana na Wenyeviti wa Vitongoji na Vijiji kuhamasisha Sensa ya Watu na Makazi.

 Akizungumza na Wenyeviti hao  amewahimiza  kuendelea kuwahamasisha wananchi kuwapa ushirikiano mzuri makarani wa sensa kwa kutoa taarifa sahihi ili kufanikisha  Zoezi hilo la Sensa ya Watu na Makazi.

 Aidha Mhe  Mkuu wa Wilaya amewaasa  Wenyeviti wote  wa Vitongoji  na vijiji  wakati wa Kikao hicho kilichofanyika katika ukumbi wa Mikutano Tasuba Bagamoyo tarehe 15 Agosti 2022,Kwa kuhakikisha wanawapa ushirikiano Makarani wote pamoja na Wasimamizi wao Kwa kipindi chote ambacho watakuwa wanafanya Kazi  ya  Sensa ya Watu na Makazi.

’’Sensa ni suala la maendeleo ya Taifa hivyo Serikali haitoweza kutoa bajeti bila kujua idadi ya wananchi wake katika kutekeleza miradi ya Maendeleo kama vile  ujenzi wa hospitali, shule na barabara’’. Amesema  Mhe Zainab Abdallah

Kwa upande wao, Wenyeviti wa Vitongoji na Vijiji wameahidi Kwa  Mkuu wa Wilaya kuwa Watashirikiana na Mabalozi   wa nyumba kumi   kuwapatia  ushirikiano Makarani wote pamoja na Wasimamizi wakati wa zoezi la Sensa ya Watu na Makazi inayotarajiwa kufanyika tarehe 23/08/2022.

Katika picha ni Mkuu wa Wilaya ya Bagamoyo Mhe Zainab Abdallah katikati akiwa anafungua kikao cha wahe Wenyeviti wote wa Vitongoji Halmashauri ya Bagamoyo.

Wenyeviti wa vitongoji na vijiji wakiwa katika ukumbi wa Mikutano (Tasuba) wakimsikiliza Mkuu wa Wilaya.

Mkurugenzi Mtendaji Halmashauri ya Wilaya Bagamoyo akitoa neon la shukurani kwa wenyeviti wa vitongoji na vijiji baada ya kikao kazi hicho kufikia tamati.