MKUU WA WILAYA AFANYA KIKAO NA WAKUU WA IDARA NA VITENGO..

Posted on: February 17th, 2023

Mkuu wa Wilaya ya Bagamoyo Mhe Halima Habib Okash amefanya kikao kazi na Wakuu wa Idara na vitengo Pamoja na Mkurugenzi Mtedaji wa Halmashauri ya Wilaya ya Bagamoyo katika ukumbi mdogo wa mikutano wa Halmashauri ya Bagamoyo.

Katika kikao hicho Kilichoketi tarehe 17 February 2023 Mkuu wa Wilaya Mhe Halima Okash ameeleza malengo makubwa ya kufanya kikao hicho Pamoja na Wakuu wa Idara na vitengo katika Halmashauri ya Bgamoyo huku pia akiwataka kuendelea kuwasaidia wananchi kuwapatia huduma na kutatua kero mbalimbali

Aidha Mhe Halima amesema kuwa Halmashauri inatakiwa kuendelea kubuni vyanzo vipya vya mapato ili kuwezesha Halmashauri kuhudumia vizuri wananchi na kuendelea kupunguza kero za wananchi katika maeneo mablimbali ndani ya Halmashauri  ya Bagamoyo.

‘’lazima tutakuwa na ratiba ya kutembelea kata kwa kata ili kuwezesha na kuhakikisha tunakwenda kutatua changamoto na kero kwa wananchi Pamoja na kushuhulikia malalamiko yote ambayo yapo kwa wananchi hao’’amesema Mhe Halima

Pia Mhe Mkuu wa Wilaya amesema kipaombele kingine ni kuhakikisha wanasimamia ipasavyo miradi mbalimbali ya kimaendeleo ambayo inaendelea kuletwa na serikali ya awamu ya sita na kuhakikisha miradi hiyo inamalizika kwa wakati na wananchi wananufaika na miradi hiyo.

Sanjari na hayo Mkuu huyo wa Wilaya amempongeza Mkurugenzi Mtendaji Pamoja na Wakuu wake wa Idara na Vitengo kwa kuendelea kufanya kazi kwa bidii usiku na mchana ili kuhakikisha Wananchi wananufaika na matunda ya serikali ya Awamu ya sita iliyo chini ya Mhe Rais Dkt Samia Suluhu Hassani