MKUU WA WILAYA BAGAMOYO APOKEA TAARIFA ZA UTENDAJI KAZI WA HALMASHAURI ZA WILAYA BAGAMOYO NA CHALINZE

Posted on: January 2nd, 2019

Leo tarehe 2/01/2018 Mheshiwa Mkuu wa Bagamoyo Mheshiwa Zainabu Kawawa akiwa Mwenyekiti 

kamati ya ushauri wilaya amepokea taarifa za utendaji kazi wa Halmashuri za Wilaya Bagamoyo na 

Chalinze. Taarifa hizo ziliwasilishwa na Afisa Mipango wa Bagamoyo akifuatiwa na Afisa Mipango wa Chalinze.

Katika taarifa ya Halmashauri ya Wilaya Bagamoyo Afisa Mipango wa Wilaya Ndugu Malboarb Kapinga

aliwasilisha taarifa za utekelezaji wa miradi ya Maendeleo, Mapato na matumizi, taarifa za sekta ya Elimu 

(Msingi na Sekondari), Kilimo, Afya na Matokeo ya mbio za Mwenge 2018.

Kwa upande wa Halmashauri ya Wilaya Chalinze Afisa Mipango Wilaya aliwasilisha taarifa za Mapato na

Matumizi pamoja na taarifa za Utendaji kazi wa Idara zote za Chalinze.

Pamoja na taarifa hizo pia alipokea taarifa za taasisi mbalimbali zilizopo katika Wilaya ya Bagamoyo

taasisi hizo  ni Tanesco, Dawasa, Nida, Tarura Bagamoyo na Wakala wa Misitu.

Mkuu wa Wilaya alizipongeza Halmashauri zote kwa kuwa na matokeo mazuri ya mbio za Mwenge wa Uhuru wa mwaka 2018 

ambapo Halmashuri ya Wilaya Chalinze ilikuwa ya pili (2) na Bagamoyo ya tatu (3) kitaifa. Pongezi za ziada zilikwenda kwa

Halmashuri ya Wilaya Bagamoyo kwa kuwa ya tatu (3) kimkoa kwa ufaulu wa darasa la saba mwaka 2018.

Katika maoni ya jumla Mkuu wa Wilaya alisisitiza juu ya Uwajibikaji wa Watumishi hasa katika kufuatilia mapato na kuboresha

 maeneo ya mapato kwa kufufua eneo la Badeco katika Halmashauri ya Bagamoyo na upande wa Chalinze Mweka hazina aliagizwa 

kwenda katika maeneo yote wanapochimba Kokoto kujiridhisha na makusanyo hasa magari yanayofika na kutoka kila siku.

Pia alisisitiza taasisi za kiserikali kuwa uongozi shirikishi na mawasiliano ya karibu na ofisi yake pamoja na Halmashauri kwani 

kwa ujumla wote wanahudumia wananchi wa wilaya ya Bagamoyo.

Mwisho alisisitiza kufanya kazi ikiwa ni maagizo ya serikali kwa watumishi na wanachi pamoja na kutoa na salam za mwaka mpya 2019.