MKUU WA WILAYA YA BAGAMOYO AONGOZA KIKAO CHA KAMATI YA TATHMINI YA UTEKELEZAJI WA MKATABA WA LISHE NGAZI YA KATA....

Posted on: November 8th, 2024

MKUU WA WILAYA YA BAGAMOYO AONGOZA KIKAO CHA KAMATI YA  TATHMINI YA UTEKELEZAJI WA MKATABA WA LISHE NGAZI YA KATA.

Mwenyekiti wa Kamati ya Lishe Wilaya ya Bagamoyo ambae ni Mkuu wa Wilaya ya Bagamoyo Mhe Shaibu Ndemanga ameongoza kikao cha kamati ya tathmini ya utekelezaji wa mkataba wa lishe ngazi ya kata cha robo ya kwanza 2024/2025.

Katika kikao hicho Mhe Mkuu wa Wilaya amepongeza kwa kazi kubwa na zinazoendelea kufanyika kwa kuhakikisha elimu ya Lishe inafika kila sehemu na lishe bora inapatikana.

Pia Mhe Ndemanga amesisitiza kwa Maafisa lishe pamoja na watendaji kata wote kuendelea kutoa elimu ya lishe mashuleni pamoja na kwenye mikutano mbalimbali ya wananchi.

Vilevile Mhe Mkuu wa Wilaya amewataka watendaji kata wa Halmashauri ya Wilaya ya Bagamoyo wasimamie na kuhakikisha takwimu za shughuli za lishe zinazowasilishwa kwa maafisa lishe zinakuwa takwimu sahihi.

Mhe Mkuu wa Wilaya ya Bagamoyo ametumia pia Kikao hicho kutoa wito kwa wajumbe wote kuendelea kuhamasisha wananchi ifikapo tarehe 27 Novemba 2024 kujitokeza kwenda kupiga kura  uchaguzi wa Serikali za Mitaa 2024.

#serikalizamitaasautiyawananchijitokezinikushirikiuchaguzi

#shirikiuchaguziwaserikalizamitaa2024