MWENYEKITI WA HALMASHAURI AFANYA ZIARA.

Posted on: January 25th, 2022

Mwenyekiti wa Halmashauri ya Wilaya ya Bagamoyo Mhe.Mohamed Usinga leo tarehe 25,Januari 2022 amefaya ziara katika Kata zilizopo katika Halmashauri ya Wilaya ya Bagamoyo na kujionea ujenzi unao endelea katika kata hizo.

Ziara hiyo iliyojumuisha viongozi mbalimbali,wa chama na serikali Pamoja na wataalamu kutoka Halmshauri wamepongeza juhudi kubwa zinazofanywa na Halmashauri inayoongozwa na Mwenyekiti Mhe Mohamed Usinga Pamoja na Mkurugenzi Mtendaji wa Halmashauri ndg Shauri Selenda kwwa kazi kubwa wanayoifanya.

Katika ziara yake hiyo Mhe Mwenyekiti wa Halmashauri amekagua ujenzi uanaoendele wa matundu ya vyoo katika vituo shikizi vya msingi Pamoja na shule mpya ya sekondari ya Nianjema na shule mpya ya sekondari ya udindivu huku Halmshauri ya Wilaya ya Bagamoyo ikitenga kiasi cha shilingi Milioni 93 kwaajili ya ujenzi wa matundu ya vyoo.

Huku katika hatua nyingine kupitia mfuko wa jimbo umetoa kiasi cha shilingi milioni 17 na kuzielekeza fedha hizo katika kusaidia kumaliza ujenzi wa matundu ya vyoo katika shule ya sekondari ya Nianjema Pamoja na kutoa Matofali elfu moja na kuyaelekeza katika kituo shikizi cha kilemile iliyopoKata ya Kerege Bagamoyo.

Mwenyekiti wa Halmashauri ya Wilaya ya Bagamoyo Mhe Mohamed Usinga ametembelea kata,ya Fukayosi katika shule shikizi ya Kalimeni, kata ya Makurunge katika shule shikizi ya Kifude,kata ya Yombo katika shule shikizi ya Kiegea,kata ya Nianjema katika shule mpya ya sekondari ya Nianjema ,Kata ya Kerege katika shule shikizi ya Kilemile,Kata ya Mapinga katika shule mpya ya sekondari ya Udindivu.