MWENYEKITI WA HALMASHAURI BAGAMOYO AFUNGA MAFUNZO YA UWAWA..

Posted on: March 22nd, 2023

Mwenyekiti wa Halmashauri ya Wilaya ya Bagamoyo Mhe.Mohamedi Usinga asisitiza Umoja na Upendo kwa Wenyeviti wa kamati za shule,Walimu Wakuu,Waratibu Elimu Kata Pamoja na Walimu ili kuweza kufanya kazi kwa mshimakano katika kuhakikisha wanatatua kero na kuboresha suala la elimu mashuleni.

     Amesema hayo leo tarehe 22 Marchi 2023 wakati akifunga mafunzo ya (UWaWa) ya siku tatu kwa Maafisa Elimu kata ,Wenyeviti wa Kamati za Shule Pamoja na Wakuu wa shule za Msingi yalifanyika katika ukumbu wa Mikutao Bagamoyo sekondari.

     Mwenyekiti wa Halmashauri Mhe Mohamedi Usinga ametoa pongezi za dhati kwa viongozi wote Pamoja a wana mafunzo wote kwa kushiriki mafunzo hayo ambayo yatakwenda kuleta tija kwa wanafunzi pamoja na jamii kijumla kwani elimu ndio msingi wa Maisha ya binadamu.

‘’Tunae Afisa Elimu mzuri sana ambae anapenda kushirikisha ,kujifunza, kuwatia moyo watumishi wake ambao anafanya nao kazi Pamoja na uwepo wa Wenyeviti wa Kamati za shule imeonesha kwa dhati kabisa kuwa ushirikishwaji katika jambo la Elimu ni Mkubwa sana napenda kuwapongeza’’amesema Mhe Usinga.

     Pia Mhe Mwenyekiti amesema kuwa Wenyeviti wa Kamati shule wanafanya kazi kubwa sana hivyo uwepo wao kwenye Mafunzo hayo utasaidia Kwenda kuongeza hamasa katika katika jamii wanazotoka na kuhakikisha wazazi na walezi wanakuwa kitu kimoja ili kuhakikisha Watoto wanapata elimu iliyo bora na si bora elimu.

     Aidha Mhe Mwenyekiti ametoa ushauri kwa Ofisi ya Afisa Elimu Wilaya kuona namna washiriki hao wa Mfunzo hasa Wenyeviti wa kamati za shule kushiriki katika vikao mbalimbali vya maendeleo ya kata ili kuweza kutoa ushuhuda wa namna mafunzo yanavyosaidia wanafunzi katika kuinuka kwa elimu.

‘’Ni mategemo yangu sasa leo hapa mafunzo ya siku tatu tumemaliza natarajia kuona haya mafunzo pia yanakwenda kuleta tija kwenu na katika jamii ‘’amesema Mhe Usinga.

     Kwa upande wake Afisa Elimu ya Awali na Msingi wa Halmashauri ya Wilaya ya Bagamoyo Bi Wema Kajigili amewashukuru washiriki wote wakiwemo Maafisa elimu Kata,Pamoja na Wenyeviti wa Kamati za shule katika Halmashauri ya Bagamoyo kwa ushirikiano wao na kufanya Halmashauri ya Wilaya ya Bagoyo kuongoza katika Nyanja zote za kielimu Mkoa wa Pwani.

    Mafunzo ya Ushirikiano kati ya Walimu na Wazazi (UWaWa) yanafadhiliwa na Mradi wa Elimu Bora kupitia ufadhili wa serikali ya Uingereza (UK Aid) kwa kushirikiana na Wizara ya Elimu na Ofisi ya Rais Tamisemi.