NAIBU WAZIRI UTUMISHI AKUTANA NA WATUMISHI BAGAMOYO, AANIKA NEEMA LUKUKI...

Posted on: July 14th, 2023

Naibu Waziri Ofisi ya Rais Manejimenti ya Utumishi wa Umma  na Utawala Bora Mhe.Ridhwan Kikwete amefanya ziara ya siku moja katika Halmashauri ya Wilaya ya Bagamoyo na na kukutana na watumishi wa Halmashauri ya Bagamoyo  Julai 14, 2023 katika ukumbi wa Stella Maris Bagamoyo.

      Akizungumza na watumishi hao Mhe. Ridhwani Kikwete alisema kuwa, lengo la ziara yake kwanza kupita na kuzungumza na watumishi lakini pia, kujua changamoto mbalimbali zinazowakabili watumishi hao.  

Alisisitiza kuwa, kuna mambo kadhaa ambayo mtumishi wa Umma anapaswa kuwa  nayo  ikiwemo  mtumishi wa umma kufanya kazi kwa weledi pamoja na ubunifu ili kuwaletea wananchi maendeleo kama anavyosisitiza Mhe.Rais wa Jamhuri ya Muungano wa Tanzania Dr. Samia Sluhu Hassan.

 Alieleza kuwa Mhe.Rais alishatoa maagizo  tarehe 21 Aprili 2021 ni utumishi wa aina gani angependa kuona kutoka kwa watumishi ili wananchi wahudumiwe ipasavyo. “ Ndugu zangu mnakumbuka kabisa Mhe.Rais wetu alitoa maelekezo kuhusu aina ya utumishi wa Umma anao utaka, ukiwemo utumishi wenye weledi na ubunifu,Utumishi wa Umma unaotoa haki wa wananchi, wenye vipimo pamoja na utumishi wa Umma wenye Mkakati na wenye ubunifu “. Alisisitiza Mhe.Kikwete.

        Aidha Mhe.Kikwete alieleza mafanikio makubwa yaliyofanywa na  Mhe Rais hasa katika suala zima la kuongeza ajira mpya kwa vijana, Upandishwaji wa madaraja, pamoja na kulipa malimbikizo ambayo ilikuwa moja ya kero kubwa kwa watumishi wa Umma kwa muda mrefu. 

“ Mwaka 2021 Mhe. Rais wetu alitoa dira ya Utumishi wa Umma ikiwemo ajira mpya 70,000 kupunguza malibikizo pamoja kulipa madeni ya wastaafu “ Alibainisha Mhe. Kikwete. Baada ya kusikiliza kero mbalimbali za watumishi Mhe.Kikwete alitoa maelezo za baadhi ya kero hizo na kumuagiza  Mkurugenzi wa Halmashauri kutatua kero za watumishi kwa kuzingatia  kanuni na sheria za Utumishi wa Umma.

        Kwa upande wake, akitoa taarifa ya hali ya utumishi  Mkurugenzi wa Halmashauri ya Wilaya ya  Bagamoyo Ndg. Shauri Selenda alisema kuwa, mahitaji ya watumishi kwa Halmshauri ya Wilaya ya Bagamoyo kwa sasa ni Watumishi 2141 na waliopo kwa sasa ni watumishi 1864 hivyo kuwa upungufu wa watumishi 277 kwa ujumla wake.