NENDENI MKAANGALIE MASLAHI YA WANANCHI -MKURUGENZI BAGAMOYO...

Posted on: December 11th, 2024

Mkurugenzi Mtendaji wa Halmashauri ya wilaya ya Bagamoyo Shauri Selenda Ametoa rai kwa Wenyeviti wa Kitongoji na Vijiji Kwenda kuwatumikia wananchi na kuangalia maslahi mapana ya wananchi wakati wa kufungua Mafunzo kwa Wenyeviti wa Vitongoji na Vijiji tarehe 11 Desemaba 2024.

Mkurugenzi amesema kuwa baada ya kumalizika zoezi la uchaguzi na wananchi kuwapa ridhaa ya kuwatumiakia katika vitongoji vyao na vijiji wanatakiwa kuhakikisha wanakwenda kuwatumikia wananchi hao badala ya kuangalia maslahi yao binafsi.

Vilevile ndg Selenda ameongeza kwa amesema kuwa ni muhimu kutengeneza mpango kazi wa kutatua migogoro ya wananchi hasa kwenye suala la migogoro ya ardhi na kuhakikisha wahatengenezi migogoro mipya.

Aidha Mkurugenzi amewaasa Wenyeviti hao kuwa waadilifu katika kutekeleza majukumu yao ya kila siku kuepuka mambo amabayo yanaweza kuleta athari na kutengeneza taharuki kwa wananchi wanao watumikia

Pia Ndg Selenda amesema ya kuwa suala la kuzungumza kuhusu Wilaya kiujumla hilo ni jambo ambalo Mhe Mkuu wa Wilaya ndio msemaji katika Wilaya ya sio mtu mwingine hivyo Viongozi hao wajiepushe na swala hilo katika vyombo vya Habari kwani jukumu hilo tayari linajulikana lipo kwenye Mamlaka yapi.

‘’Jukumu la kuisemea wilaya nila Mhe Mkuu wa Wilaya na sio mtu mwingine aidha Halmashauri ni Mwenyekiti wa Halmashauri ama Mkurugenzi Mtendaji hivyo jiepusheni kufanya hivyo kwa maana mnaweza kutoa taarifa ambazo sio za kweli na kuleta taharuki kwa wananchi’’amesema Selenda.

Mafunzo hayo kwa Wenyeviti wa Vitongoji Pamoja na Vijji yanalengo la kutoa elimu na uelewa kwa viongozi hao ili kuweza kufahamu ni namna gani wanatakiwa kuwa pindi wawapo katika majukumu yao ya kazi za kuwatumikia wananchi.

Katika Mafunzo hayo Wenyeviti hao wamejifunza sheria ya maadili ya viongozi wa Umma,misingi ya maadili Pamoja na mambo mbalimbali ambayo yalilenga kuongeza ufahamu katika swala zima la uongozi kiujumla.