NI MARUFUKU KUCHIMBA MCHANGA.

Posted on: March 17th, 2021

Mkuu wa wilaya ya Bagamoyo Mhe Zainab Kawawa amepiga marufuku uchimbaji wa mchanga katika maeneo ambayo yamewekewa marufuku ya kuchimbwa mchanga
Ameyasema hayo machi 17 2021 wakati alipotembele Mataya ambako kunafanyika shughuli ya uchimbaji wa mchanga na kupiga Marufuku kuendelea kuchimba mchanga katika eneo hilo.

Mhe zainab amesema sehemu hiyo sio sehemu ya kuendelea kuchimba mchanga kwanza ni sehemu ya makazi ya watu huku Akitaka kutolewa vibali vya kufikia Mashimo na sio kuchimba mchanga.
"Ni marufuku kuchimba mchanga kwani hata mwenye eneo Hataki watu wachimbe mchanga na wote mmemsikia na sisi kam serikali tunasema hatutaki watu wachimbe mchanga"alisema mkuu wa wilaya

Pia mkuu wa wilaya amesema wanao omba vibali vya kuchimba mchanga wafate taratibu zote zinazotakiwa hata kama umepewa kibali cha madini lazima ufate taratibu
Aidha mhe Mwenyekiti wa Halmashauri  amesema Halmashauri tayari imeshatoa zuio la uchimbaji wa mchanga katika eneo hilo na kuelekeza ni sehemu zipi ambazo zinatakiwa kufanyika uchimbaji wa mchanga hivyo ni vizuri kufata utaratibu ulio wekwa.
Mhe Usinga amepongeza juhudi za Mkuu wa Wilaya katika kuhakikisha anatatua kero zote za wananchi na kisimamia haki na usawa katika wilaya yake ili kusiwepo mwananchi ambae anapata uonevu

Mhe Mwenyekiti amewaomba wananchi kutotumika Vibaya na watu wenye Nia mbaya ambao wanajali masilahi Yao binafsi na sio ya wananchi na kusisitiza kila mwananchi anapaswa kuwa mlinzi kwa mwenzake

Sanjari na hayo wananchi wa Mataya wamepongeza hatua zilizochukuliwa na Mkuu wa Wilaya pamoja na mwenyekiti na kuwaomba kuendelea kuchapa kazi kwa maendeleo ya Bagamoyo na Taifa kiujumla.