NMB BAGAMOYO YA NG’ARA...

Posted on: July 12th, 2023

Benki ya NMB tawi la Bagamoyo imekutana na menagimenti ya Halmashuri  ya Bagamoyo  kuadhimisha Miaka 25 ya kuanzishwa kwa Benki katika ukumbi  wa Halmashauri leo    12 Julai 2023.

Akiwakaribisha wageni hawo , Mkurugenzi Mtendaji  wa Halmashauri ya Bagamoyo  alitoa shukrani  za dhati katika kwa Benki hiyo  kwa kuonesha ushurikiano mkubwa   katika Nyanja mbalimbali za huduma kwa Serikali.

      Aidha akizungumza  katika hafla hiyo, Meneja Mkuu wa NMB Ally  Ngingite ,amesema Benki ya NMB imefanikiwa  sehumu bubwa kufikia hapa tangu kuanzishwa kwake 1997. Alisema kuwa mafanikio ya Benki hiyo ni pamoja na NMB  imefanikiwa kuvumbua njia mbalimbali za kutoa huduma kutoka asilimia   Zero  mpaka kufikia  ATM 800  ,kuongeza upatikanaji  wa faida na kuwa kinara kati ya Benki zote hapa Nchini, Kukabidhi gawio la Serikali kiasi cha shilingi bill 45.5, kuimarisha ushirikiano mzuri na Serikaali ,kuunganisha taasisi mbalimbali za Kiserikali ,kuwa katika nafasi ya 3 katika ukanda wa Afrika Mashariki ,kufungua matawi mbalimbali ya uwakala yasiyopungua elfu ishirini 20,000 Tanzania nzima pamoja na  huduma ya NMB mkononi. “ Haya ni mafanikio makubwa ya Benki yetu tangu kuanzishwa kwake”. Alisema Bwana Ngingite.

          Kwa upande wake Meneja wa   Mawasiliano wa Benki hiyo Bi Lydia  Mgweno ameainisha maboresho  na masulihishi yaliyofanyika kwa lengo la kuboresha huduma zao ya kiwemo, Kutoa mikopo ya elimu kuanzia awali mpaka elimu  ya juu kwa riba ya asilimia 9 kwa ajili ya kuzisaidia kaya msikini zisizo jiweza , kutoa mikopo kwa  watumishi  wapya ,kutoa mikopo kwa waajiriwa wanaotumia NMB kupokea mishahara yao,pamoja na kufanya maboresho katika akaunti ya WEKEZA ,akaunti ya pamoja ya watoto kuanzia miaka 0-13 bila makato yoyote , akaunti ya pamoja kwaajili ya  vikundi.

        Aidha Mkurugenzi Mtendaji wa Halmashauri ya Bagamoyo  ameiaomba Benki ya NMB kuimarisha uhusiano na kuiunga mkono Halmashauri katika kuziinua Idara mbalimbali zilizopo ikiwemo Idara ya Utamaduni Sanaa na Michezo kwa kuzipatia vitendea kazi kama vile kompyuta ,jezi za michezo pamoja na mipira kwaajili yakuboresha michezo ndani ya Halmashsuri.