OKASH AWAPONGEZA HALMASHAURI YA BAGAMOYO...

Posted on: August 22nd, 2024

Mkuu wa Wilaya ya Bagamoyo Mhe Halima Okash ameipongeza Halmashauri ya Bagamoyo kwa kufanya vizuri katika ukusanyaji wa mapato kwa kufikia asilimia 108.3 sawa na shilingi Bilioni 6.3 kwa mwaka wa fedha 2023-2024.

Mhe Mkuu wa Wilaya ametoa pongezi hizo hii leo tarehe 22 Agosti 2024 wakati wa kikao cha Baraza la Madiwani cha robo ya Nne lililoketi katika ukumbi wa mikutano wa Halmashauri hiyo.

Akizungumza mbele ya Waheshimiwa madiwani Mhe Okash amewataka watumishi wa Halmashauri kuendelea kuzingatia sheria na taratibu za matumizi ya fedha ili kuepuka kuzalisha hoja za wakaguzi wa ndani kwa lengo la kuendelea kuiweka Halmashauri sehemu salama na kuendela kupata hati safi.

Pia Mhe Mkuu wa Wilaya ametoa pongezi kwa Mkurugenzi Mtendaji na Waheshimiwa Madiwani kwa usimamizi mzuri wa miradi huku akiwaomba waheshimiwa madiwani kwa mwaka 2024-25 kwa kushirikiana kwa karibu na Mkuerugenzi Mtendaji kumalizia miradi yote viporo iliyopo katika Halmashauri hiyo.

Sambamba na hilo amewataka Madiwani kuendelea kufanya mikutano ya hadhara na wananchi ya kusikiliza na kutatua kero za wananchi pamoja na kuisemea vizuri serikali ya awamu ya sita iliyo chini ya Rais wa Jamhuri ya Muungano wa Tanzania Mhe Dkt.Samia Suluhu Hassani.

Mbali na hayo Mhe Halima Okash amewataka viongozi na wataalamu wa Halmashauri ya Bagamoyo kuendelea kupinga ukatili wa kijinsi katika Halmashauri ya Bagamoyo kwa kufanya kampeni za kupinga ukatili wa kijinsi na kutoa taarifa kwa wakati juu ya vitendo vya ukatili wa kijinsi pindi tu vinapotokea na kutoa ushilikiano kwa vyombo vya sheria na watu wa ustawi wa jamii ili kuweza kukomesha vitendo hivo

Sambamba na hayo yote Mhe Okash amewakumbusha viongozi wa Halmashauri ya Bagamoyo kuhusu zoezi la uchaguzi na kuwataka kwenda kufanya uamasishaji kwa wananchi waliopo katika maeneo yao kujitokeza katika zoezi la uandikishaji wa daftari la wapiga kura na kujitokeza katika uchaguzi wa serikali za mitaa mwaka huu 2024.