PONGEZI KWA KUANZA UJENZI WA SEKONDARI

Posted on: March 17th, 2021

Mwenyekiti wa Halmashauri ya Wilaya ya Bagamoyo  Mhe Mohammed Usinga amepongeza juhudi za wananchi wa makurunge kwa kuanza harakati za ujenzi wa shule mpya ya sekondari katika kata yao.

Akizungumza na wananchi walio jitokeza katika eneo ambalo ndio linajengwa shule ya sekondari leo tarehe 17 machi 2021 amesema ushirikiano na umoja ndio utakao fanya kukamilika kwa shule hiyo hivyo wananchi wote washirikiane kwa pamoja katika ujenzi huo

Aidha Mhe Mwenyekiti  amewaomba viongozi mwenzake kuanzia kwa Wajumbe,Mwenyekiti pamoja na Diwani washirikiane kwa pamoja ili kuhakikisha shule hiyo inakamilika ili kuweza kusaidia wanafunzi ambao watafauli Mitani ya darasa la saba kuendelea na masomo ya sekondari 

Katika kuunga mkono jitihada za Mhe Rais John Pombe Magufuli Halmashauri ya wilaya ya bagamoyo imeamua kushirikiana na wananchi kujenga sekondari hiyo   ili kusaidia wanafunzi ambao wapo katika kata hiyo kupata shule ya sekondari ilivyo karibu na kata yao