Rais Samia Mkombozi wa Wanawake sekta ya Maji..

Posted on: February 13th, 2023

Mkuu wa Mkoa wa Pwani Mhe Abubakar Kunenge amempongeza Rais wa Jamhuri ya Muungano wa Tanzania Dkt Samia Suluhu Hassan kwa kuzidi kuendelea kutatua changamoto ambazo zilikuwa ni sugu kwa Wanawake hapa nchni,

Akizungumza katika uzinduzi wa mradi wa maji wa kata ya Fukayosi wilaya ya Bagamoyo Mkoani Pwani  alisema kuwa Rais Mhe. Dkt Samia Suluhu Hassan amedhamilia kwa moyo wake wa dhati kuhakikisha wanawake wanaondokana na changamoto ya maji na badala yake wanajikita katika uzalishaji wa uchumi.

Aliongeza kuwa Wanawake wengi walikuwa ni wahanga wakubwa wa changamoto za ukosekanaji wa maji hivyo muda mwingi wamekuwa wakiutumia kutafuta maji na sio kutengeneza uchumi kitu hicho kimekuwa kikimuumiza kichwa sana Mhe. Rais ndio maana anazitatua kero hizo kila kukicha kwa kutoa fedha za miradi ya maji.

Mkuu wa Mkoa ameongeza kuwa kukamilika kwa mradi wa maji katika kata ya Fukayosi unakwenda kuokoa uchumi wa wanawake wa Bagamoyo kwani wengi waliokuwa wakikesha kutafuta maji sasa wanakwenda kuzalisha uchumi wao kwani maji yako mlangoni na wanaanza kuchota bila wasiwasi.

“Rais Dkt Samia Suluhu Hassan ni Mwanamke ndio maana amekuwa akipambana sana na chanagamoto hizo kutokana na kuwa hata yeye amezipitia hivyo anataka changamoto hizo ziishe kabisa na zibaki kuwa historia katika Taifa hili” Alisema Mhe Abubakar Kunenge

Aidha aliongeza kuwa mradi huu ni mkubwa hivyo ni jukumu la wananchi kuulinda ili uweze kudumu kwa kipindi kirefu.

Naye Meneja wa Ruwasa Wilaya ya Bagamoyo James Kionaumela amesema kuwa mradi huo umegharimu kiasi cha shilingi Milioni mia tatu hamsini (350,344,596,00) zote zikiwa ni pesa ya serikali ya awamu ya sita chini ya Rais Dkt.Samia Suluhu Hassan.

Aliongeza kuwa Wanawake wanahaki ya kulinga sasa juu ya Rais huyu mwenye maono makubwa juu ya utekelezaji wa miradi ya maji kwani Rais ameamua kuwatua wanawake ndoo kichwani kwa dhati kabisa.