RC Ndikilo awataka wakulima Wilayani Bagamoyo kulima kisasa kwani soko la uhakika la bidhaa lipo.

Posted on: May 14th, 2017

Wakulima wa matunda Mkoani Pwani wametakiwa kulima kisasa  zao la matunda ya aina mbalimbali kwani soko la uhakika la mazao hayo lipo la kutosha.

Rai hiyo imetolewa na Mkuu wa Mkoa wa Pwani Mhe. Mhandisi Evarist W. Ndikillo wakati alipofanya ziara yake katika kiwanda  cha kuchakata na kusindika

matunda cha Elven Agri Company Ltd kilichopo Mapinga Wilayani Bagamoyo na kiwanda cha kusindika juice cha Sayona kilichopo Mboga Wilayani Bagamoyo.

Aidha Mhe. Ndikilo alieleza kwamba wakulima wengi wanahitaji kulima kwa tija badala ya kupata hasara kwa kukosa masoko, pia alisema kwa kutambua hilo

kuna kila sababu ya kubadilika kwa kuona umuhimu wa kulima matunda yenye ubora na yanayojiuza.

Pia katika kikao cha cha majumuisho kilichofanyika Chalinze alisomewa ripoti ya Wilaya nzima ya Bagamoyo na katika sekta zote kwa ujumla na kutoa rai

juu ya ushirikiano na kukabiliana na changamoto hasa za njaa kwa kuwa na mkakati wa kuhimiza wananchi kulima kufuatana na hali ya hewa. Alihimiza kulima

Korosho kwan kwa sasa kuna soko kubwa la uhitaji wa zao hilo na kuwahimiza Wakurugenzi wa Halmashauri za Bagamoyo na Chalinze kupitia Idara ya Kilimo kuotesha

na kuwa na mashamba darasa ya Korosho na upatikanaji wa miche bora.

Kuhusu swala la Ulinzi na Usalama bado Serikali ya Mkoa inapambana na wahalifu hao hivyo wananchi wawe wavumilivu katika kipindi hiki. Swala la wahamiaji haramu

nalo wanapambana nalo na kuomba taarifa zote za wahamiaji hao zipelekwe katika mamlaka husika ili wanaofanya biashara hiyo wakamatwe.

“Watalaam wa kilimo wa Mkoa ,watendaji wa Halmashauri katika Idara hii, mtoke maofisini  muende kuwapa elimu wakulima hawa ili waweze kujifunza kulima

kisasa ili kuwawezesha kutoa bidhaa ambazo zitawapatia soko na waweze kunufaika kwa jasho lao”. Alisema Mhe. Ndikilo.

Katika ziara hiyo Mkuu wa Mkoa alitembalea Kiwanda cha Kusindika Matunda kilichopo Mapinga, Shule ya Sekondari Bagamoyo, Shamba la Mpunga la JICA lililpo Mtoni

na Kiwanda cha Nguzo za Umeme kwa kutumia Cement kilichopo Kidomole.